اوروپا یونان نینگ قرض لری بوییچه کیلیشیب آلدی
بروکسل ده بولیب اوتگن مالیه وزیر لری ییغیلیشی جریانیده یونان نینگ قرض لری نی تورت آی کیین توله شی نینگ ممکن ایکن لیگی بیلدیریلدی
اوروپا بیرلیگی یونان نینگ قرض لری بوییچه کیلیشیب آلگن.
یورو حوزه سی اولکه لر نینگ مالیه وزیر لری بیلن یونان, یونان نینگ قرض لری نینگ توله نیشی مدتی نینگ ینه ۴ آی تمدید ایتیلیشی بوییچه اوز ارا کیلیشیب آلگن لر.
یونان اوشبو قرض لر نینگ توله نیشی مدتی نینگ ۶ آی لیق تمدید ایتیلیشی نی طلب ایتگن ایدی.
براق, توناون (جمعه) بروکسل ده بولیب اوتگن مالیه وزیر لری ییغیلیشی جریانیده اوشبو مدت نینگ ۴ آی تمدید ایتیلیشی گه قرار قیلیندی.
آلینگن معلومات لر گه کوره اوشبو توافق نینگ ایککی هفته لیق بیر مدت مابینیده اوچ مراتبه بولیب اوتگن یونان و یورو حوزه سی وزیر لری ییغیلیشی نتیجه سیده حاصل بوگن لیگی بیلدیریلماقده.
خودی منه شو ۴ آی لیق مدت نینگ اوزی یونان گه قرض لری نی قندای قیلیب توله شی باره سیده اویلش اوچون فرصت بولگن بوله دی.
یونان دولتی اوروپا بیرلیگی و خلق ارا پول فوندی آی ایم ایف دن ۲۴۰ میلیارد یورو مقداریده قرضدار بولگن وضعیت ده.
