ییلماز ترک سرمایه دار لر بیلن صحبت ایتدی
ترکیه جمهوریتی رواجله نیش وزیری جودت ییلماز, اوشبو سفری نینگ سونگگی کونیده لوس انجلیس ده یشیتگن ترک سرمایه دار لر بیلن صحبت ایتدی
خلق ارا بیوتکنالوژی کنفرانسی و کورگزمه سی اوچون امریکا قوشمه ایالت لری گه سفر قیلگن ترکیه جمهوریتی رواجله نیش وزیری جودت ییلماز, اوشبو سفری نینگ سونگگی کونیده لوس انجلیس ده یشیتگن ترک سرمایه دار لر بیلن صحبت ایتدی.
سونگگی اون ییل ده اقتصاد بوییچه کتته موفقیت لرنینگ قول گه کریتیلگن لیگی نی بلدرگن ییلماز, ترکیه نینگ یول لر, تعلیم و تربیه و ساغلیق سنگری کوپلب ساحه لر بوییچه کتته موفقیت لر قول گه کریتگن لیگی نی بلدردی.
ییلماز, میلادی 2009 نچی ییلی دن بیری دنیا ده استخدام میزانی نی اینگ کوپ آرتریب یوبارگن اولکه نینگ ترکیه دن عبارت بولگن لیگی نی بلدررایکن, خودی منه شو دور نینگ اوزی ده بیش میلیون دن آرتیغراق استخدام نینگ تامین ایتیلگن لیگی نی ایسله تیب اوتدی.
دنیا ده گی بحران گه قره مسدن ترکیه نینگ اقتصادی کوچی نینگ آرتیب کیتگن لیگی نی بلدرگن ییلماز, "اوتمیش ده دنیا ده بحران بولمه گن حالده بیز ده بولر ایدی. ایندی دنیا ده بحران بولگن حالده بیز ده موجود ایمس. اوتمیش ده گی حادثه لر دن درس آلیب بحران نی ییچیش گه موفق بولدیک" دییه قید ایتدی.
