تورکیه نینگ مطبوعات خلاصه لری

خبرتورک گزیته سی: " ایردوغان: شوم اویین نی بوزوب تشله دیک " سرلوحه سی بیلن خبر بیردی.

گزیته جمهور باشلیغی رجب طیب ایردوغان نینگ توناون کونی بیرگن بیاناتیده "بولووچی ترور تشکیلاتی بو توپراقلرده قوریلماقچی بولگن ظلم تیزیمی نینگ دوام ایتیشی اوچون اولکه میزنینگ باشیگه بلا قیلینگن دیر. سونگگی 21 ییلده بیز آلیب بارگن دیپلوماسی و رواجلنیش انقلابی بیلن برچه عنصرلرنینگ شوم اویینینی بوزوب تشله دیک." دیگن لیگینی یازماقده.     

حریت گزیته سی: " کیچه لی: امریکا قوشمه ایالتلری ترورچیلیک که قرشی کوره ش توغریسیده بیز کوتگنلرنی انیق بیر شکلده ییتکیزدیک" سرلوحه سی بیلن خبر بیردی.

گزیته تشقی ایشلر وزیرلیگی سوزچیسی اونجو کیچه لی نینگ وزیرلیکده اویوشتیرگن مطبوعاتی کنفرانسده تشقی ایشلر وزیری خاقان فیدان نینگ اوتکزگن امریکا قوشمه ایالتلری سفریده ترورچیلیک که قرشی کوره ش توغریسیده واشنگتن گه انیق پیاملر ییتکیزگن لیگینی ایتگن لیگینی یازماقده.

صباح گزیته سی: " قاره دینگیزده اوچ مهم نقطه تثبیت ایتیلدی" سرلوحه سی بیلن خبر بیردی.

گزیته انرژی و طبیعی منبعلر وزیری آلپ ارسلان بیراقدار جاری ییلده انرژی بوییچه ینگی کشفلر کوتیلگن لیگینی معلوم قیلیب " قاره دینگیزده اوچ مهم نقطه ده 2024 ییلی ایچیده قیدیرووگه باشله یمیز" دیگن لیگینی  یازماقده.

ستار گزیته سی: " آق قدوق نوکلر انرژی سنترالی تصدیقلندی " سرلوحه سی بیلن خبر بیردی.

گزیته تورکیه نینگ دستلبکی نوکلر انرژی سنترالی ساختمانی پروژه سینی آلیب بارگن و روس دولت نوکلر انرژی باشقرمه سی روس اتوم نینگ اشتراکی آق قدوق نوکلر سهامی خلق ارا ستندردلرنی تصدیقله گن ایسو سرتیفیکیتی نی آلگن لیگینی یازماقده.    

وطن گزیته سی: " گلوبال قورال صادراتیده 11 – اورینگه چیقدیک " سرلوحه سی بیلن خبر بیردی.

گزیته جمهور رئیسلیک مدافعه صنایعی باشلیغی خالق گورگون 2018-2022 ییللریده گلوبال آغیر قورال صادراتی نینگ 1،1 نی عملگه آشیریب 12 – اورینده بولگن تورکیه نینگ 2019-2023 ییللریده بو ساننی 1،6 فایزگه کوتریب 11 – قطارگه چیققن لیگینی بیلدیرگن لیگینی یازماقده.