تورکیه مطبوعاتیدن خلاصه لر 30.04.2024

صباح روزنامه سی, تورکیه جمهوریتی جمهوررئیسی رجب طیب اردوغان نینگ, آفت و عاجل وضعیت لر باشقروی باشقرمه سیده بولیب اوتگن مراسمده, "نفوسی نینگ 71 فایزی نینگ ریسکی جوده یوقاری بولگن جای لرده یشیاتگن تورکیه اوچون ایسکی لری اورنی گه ینگی تورر جای لرنینگ قوریلیشی ترجیح ایمس بلکه بیر مجبوریت دن عبارت" دییه قید ایتگن لیگینی ایسلتماقده. 

حریت روزنامه سی, تورکیه جمهوریتی ملی استخبارات اداره سی نینگ عراق نینگ شمالیده گی خاکورک منطقه سیده سونگّی بیر هفته ده اویوشتیرگن عملیاتلرده, آره سیده سوزده باشلیق لری نینگ هم موجود بولگن ترور تشکیلاتی پ.ک.ک/وای پی جی اعضاسی 15 نفر ترورچی نینگ یوق قیلینگن لیگینی یازماقده. 

ینی شفق روزنامه سی, تورکیه جمهوریتی انرژی و طبیعی منبع لر وزیری آلپ ارسلان بیرقدارنینگ, ساکاریا گاز ساحه سیده کونده لیک 4,5 میلیون متر مکعب گاز تولید ایتیلیاتگن لیگینی بیلدیررایکن, بونینگ 1,8 میلیون اوی نینگ ضرورتی نی تامین ایتیشی نینگ ممکن ایکن لیگینی ایسله تیب اوتگن لیگی نی معلوم قیلماقده. 

ستار روزنامه سی, تورکیه جمهوریتی خزانه و مالیه وزیری محمد شمشک نینگ, اسلام رواجله نیش بانکی گروپی نینگ, 2024-2026 اولکه سراتیژی سی دایره سیده تورکیه ده گی پروژه لر اوچون 6,3 میلیارد دالرلیک مالی امکانیت تامین ایتیب بیره دیگن لیگینی بیلدیررایکن, "اقتصادی برنامه میز نتیجه سیده تورکیه گه تشقری دن سرمایه کیلیشی کوچلی بیر شکلده دوام ایتماقده" دییه قید ایتگن لیگینی ایسلتماقده. 

وطن روزنامه سی, میلادی 2021- ییلدن بیری افغانستان گه اوچمه یاتگن تورک هوا یوللری اوچاق لری نینگ ایندی اوشبو اولکه گه اوچه باشله یدیگن لیگی گه دقت قره تماقده. 

خبرده, تورک هوا یوللری اوچاق لری نینگ 21- می دن باشلب استانبول- کابل و کابل- استانبول پرواز لری نینگ باشله یدیگن لیگی ایسله تیلماقده. 

روزنامه, پرواز لرنینگ هفته ده تورت کون بوله دیگن لیگینی یازماقده.