تورکیه مطبوعاتیدن خلاصه لر 17.11.2023

صباح روزنامه سی, تورکیه جمهوریتی تشقی ایشلر وزیری خاقان فیدان نینگ بیرگن بیاناتیده, ینه بیر بار اسرائیل نینگ غزه گه قره تیلگن هجوم لری گه قتتیق عکس العمل کورستگن لیگینی بیلدیرماقده. 

خبرده, "غزه ده ناقانونی محاصر و انسانلیککه سیغمه یدیگن هجوم لرنینگ حاضر هم دوام ایتیاتگن  لیگی اویه لیشی کیره ک بولگن بیر وضعیت" دییه قید ایتگن فیدان نینگ, اوز سوز لرینی, "بوندن هم یمانراق نرسه ایسه غربی اولکه لرنینگ اوشبو وحشت گه قرشی عکس العمل کورستمه گن لیگی دن عبارت.  غرب نی غزه ده گی جرم لر گه اورتاق بولمسلیککه چقیره من" شکلیده دوام ایتدیرگن لیگی ایسله تیلماقده. 

خبرتورک روزنامه سی, تورکیه جمهوریتی عدالت و رواجله نیش حزبی نینگ سوزچیسی عمر چلیک نینگ, اسرائیل باش وزیری نتنیاهو و اسرائیل تشقی ایشلر وزیری ایلی کوهن نینگ جمهوررئیس رجب طیب اردوغان بیلن علاقه لی گپلری توغریسیده بیرگن بیاناتیده, "انسان لرنینگ قانی نی آقیزیاتگن اسرائیل رهبریتی نینگ اوشبو تشبث لری بیر کون کیلیب مطلق صورتده حساب بیریشی کیره ک بولگن جرم لرینی یاپیب قوییش بوییچه حرکت لردن عبارت" دییه قید ایتگن لیگی نی یازماقده. 

حریت روزنامه سی, تورکیه جمهوریتی ملی مدافعه وزیری یاشر گولر نینگ, جاری ییلده تورکیه نینگ ایچی و چیت ایللرده اویوشتیریلگن عملیاتلرده 1 مینگ 868 نفر ترورچی نینگ یوق قیلینگن لیگینی بیلدیرگن لیگینی معلوم قیلماقده. 

وطن روزنامه سی, آذربایجانده بولیب اوتگن تورک دولت لری تشکیلاتی ترانسپورت وزیرلری ییغیلیشیده معروضه قیلگن تورکیه جمهوریتی ترانسپورت و زیربنا وزیری عبدالقادر اورال اوغلی نینگ, برچه منطقه اولکه لری نینگ استفاده ایته دیگن زنگزور دهلیزی نینگ زودلیک بیلن تکمیل بولیشی اوچون آذربایجان بیلن یقین همکارلیکده فعالیت یوریتیاتگن لیک لرینی بیلدیرگن لیگینی یازماقده. 

ستار روزنامه سی, تورک هوا یوللری اوچاق لری نینگ, استانبولدن بیواسطه دیترویت متروپولیتن وین کانتی هوا قونلغه سی گه اوچه باشله گن لیگینی بیلدیرماقده. 

خبرده, شونده ی قیلیب ایندی تورک هوا یوللری نینگ امریکا قوشمه ایالتلریده 13 نقطه گه اوچه یاتگن لیگی ایسله تیلماقده.