تورکیه مطبوعاتیدن خلاصه لر 11.06.2024

خبرتورک روزنامه سی, آذربایجان جمهوررئیسی الهام علی اف نینگ, تورکیه جمهوریتی جمهوررئیسی رجب طیب اردوغان نینگ دعوتی گه بناً توناون تورکیه گه تشریف بویورگن لیگینی بیلدیرماقده. 

خبرده, جمهوررئیسلیک مجتمع سیده بولیب اوتگن ایکله جمهوررئیس اورته سیده گی اوچره شووده تورکیه بیلن آذربایجان آره سیده گی مناسبت لر, اسرائیل نینگ غزه ده گی هجوملری, اشغال دن قوتقریلگن آذربایجان توپراق لریده گی قیته قوریش ایشلری, منطقه و خلق ارا مقیاسده گی مسئله لر حقیده سوز یوریتیلگن لیگی ایسله تیلماقده. 

حریت روزنامه سی, تورکیه جمهوریتی ملی مدافعه وزیری یاشر گولر نینگ توناون بیرگن بیاناتیده, "تورکیه قوراللی کوچلری جنوب ده گی چیگره نینگ آرقه سیده ترور تشکیلاتی نینگ بیر تروریزم دهلیزی تشکیل ایتیشی گه هیچ بیر شکلده اجازت بیرمه یدی" دییه قید ایتگن لیگینی یازماقده. 

صباح روزنامه سی, تورکیه جمهوریتی تشقی ایشلر وزیری خاقان فیدان نینگ, تلفن آرقه لی, آذربایجان تشقی ایشلر وزیری جیحون بیره م اف بیلن سوزلشگن لیگینی معلوم قیلماقده. 

خبرده, اوشبو صحبتده, ایکّی تامانلمه مناسبت لر و منطقه مقیاسیده گی مسئله لر حقیده سوز یوریتیلگن لیگی بیلدیریلماقده. 

ستار روزنامه سی, شرقی قاره دینگیز دن جنوری- می آی لری آره سیده قیلینگن تورک سالمون بلیغی صادراتی نینگ ییللیق 45 فایز گه آشیب 67 میلیون 125 مینگ 19 دالر گه ییتگن لیگینی بیلدیرماقده. 

خبرده, اوشبو بلیق نینگ اینگ کوپ روسیه فدراسیونی, ویتنام و بلاروس گه صادر قیلینگن لیگی ایسله تیلماقده. 

وطن روزنامه سی, تورکیه احصائیه اداره سی نینگ اپریل آیی ایش کوچی رقم لری حقیده معلومات بیرگن لیگی گه دقت قره تماقده. 

خبرده, اوشبو معلومات گه بناً اوتگن آی بیلن سالیشتیریلگنده اپریل آییده ایشسیز لر سانی نینگ 18 مینگ کیشی آزه ییب 3 میلیون 42 مینگ نفر دن عبارت بولگن لیگی بیلدیریلماقده.