تورکیه مطبوعاتیدن خلاصه لر 10.10.2023
تورکیه مطبوعاتیده باسیلیب چیققن خبر لرنینگ خلاصه لری
حریت روزنامه سی, تورکیه جمهوریتی جمهوررئیسی رجب طیب اردوغان نینگ, اسرائیل بیلن حماس اورته سیده گی بحران حقیده گپیررایکن, "عادلانه بیر تینچلیک نینگ اورنه تیلیشی هیچ بیر تامان گه ضرر ییتکزمه یدی" دییه قید ایتگن لیگینی بیلدیرماقده.
خبرده, اردوغان نینگ, تورکیه اوله راق تامان لرنینگ طلب ایتیشی تقدیرده, اسیر اولمه شووی داخل برچه ساحه لر بوییچه واسطه چیلیک قیلیش گه تیار ایکن لیک لرینی بیلدیرگن لیگی ایسله تیلماقده.
ستار روزنامه سی, اسرائیل و فلسطین اورته سیده گی بحران نینگ ییچیلیشی اوچون سعی و حرکت قیلیاتگن جمهوررئیس اردوغان نینگ تشبث لری و سوز لری نینگ خلق ارا مطبوعاتده کینگ عکس ایتگن لیگینی یازماقده.
خبرده, جهان مطبوعاتی نینگ اوشبو مسئله نینگ ییچیلیشی اوچون جمهوررئیس اردوغان نینگ تشبث قیلیاتگن لیگینی بیلدیررایکن, اردوغان نینگ, "فلسطین دولتی نینگ قوریلیشی نینگ ایندی معطل قیلینیشی ممکن ایمس" شکلیده گی سوز لری گه اورین اجره تگن لیگی معلوم قیلینماقده.
صباح روزنامه سی, جمهوررئیس اردوغان نینگ, اسرائیل- فلسطین مسئله سی نینگ ییچیلیشی اوچون بعضی رهبر لر بیلن تلفن آرقه لی سوزلشگن لیگی گه دقت قره تماقده.
خبرده, تلفن آرقه لی, اسرائیل جمهوررئیسی هرتزوگ و فلسطین دولت رهبری محمود عباس بیلن سوزلشگن اردوغان نینگ, زودلیک بیلن اوروش لرنینگ توخته تیلیشی و تیزده تینچلیک نینگ تامین ایتیلیشی اوچون چیقریق بیرگن لیگی ایسله تیلماقده.
روزنامه, جمهوررئیس اردوغان نینگ عینی دمده اوشبو توغریده, تلفن آرقه لی, مصر جمهوررئیسی السیسی, لبنان باش وزیری میقاتی, مالزیا باش وزیری ابراهیم و قطر امیری آل ثانی بیلن هم سوزلشگن لیگی نی بیلدیرماقده.
خبرتورک روزنامه سی, جمهوررئیس اردوغان نینگ, چیگره لرده بیر تروریزم دهلیزی نینگ قوریلیشی گه هیچ بیر شکلده اجازت بیرمه یدیگن لیک لرینی بیلدیرگن لیگینی ایسلتماقده.
خبرده, اردوغان نینگ, عراق و سوریه نینگ شمالیده 1- اوکتوبر کونیدن باشلب اویوشتیریلگن عملیاتلرده توپلم 194 هدف نینگ یوق قیلینگن لیگی و 162 نفر ترورچی نینگ تاثیرسیز وضعیت گه کیلتیریلگن لیگینی بیلدیرگن لیگی معلوم قیلینماقده.
ینی شفق روزنامه سی, تورکیه نینگ, افغانستانده 2 مینگ دن آرتیق کیشی نینگ حیاتینی یوقاتگن زلزله آرتیدن اوشبو اولکه گه یاردم ییتکزیب بیرگن لیگینی یازماقده.
خبرده, تورکیه جمهوریتی ملی مدافعه وزیرلیگی گه باغلیق کارگو اوچاغی بیلن افغانستانده احتیاجی بولگن کیشی لر گه یاردم موادی ییتکزیب بیریلگن لیگی گه دقت قره تیلماقده.
