تورکیه مطبوعاتیدن خلاصه لر 09.10.2023

حریت روزنامه سی, تورکیه جمهوریتی جمهوررئیسی رجب طیب اردوغان نینگ, فلسطین بیلن اسرائیل اورته سیده گی بحران بیلن علاقه لی بیرگن بیاناتیده, "حاضرگی کونده منطقه میزده گی معما نینگ اساسی نی فلسطین مسئله سی تشکیل ایتماقده.  مسئله ییچیلمه گن تقدیرده منطقه ده تینچلیک نینگ اورنه تیلیشی ممکن ایمس.  ایکّی دولت لیک ییچیم یولی نینگ اسره لیب قالینیشی مهم.  میلادی 1967- ییلی چیگره لری نینگ اساس قیلیب آلینگن حالده پایتختی بیت المقدس بوله دیگن شکلده فلسطین دولتی نینگ قوریلیشی ایندی معطل قیلینیشی ممکن بولمه گن بیر ضرورت دن عبارت" دییه قید ایتگن لیگینی یازماقده. 

ینی شفق روزنامه سی, تورکیه جمهوریتی ملی مدافعه وزیرلیگی نینگ, ترور تشکیلاتی پ.ک.ک/وای پی جی گه قرشی اویوشتیرگن ینگی هوا عملیاتیده 6 هدف نینگ یوق قیلینگن لیگینی بیلدیرماقده. 

خبرده, بیریلگن بیاناتده, "ترور تشکیلاتی تامانیدن استفاده ایتیلیاتگن پطرول مرکزی بیلن ایچیده مسئول سویه ده ترورچی لرنینگ هم موجود بولگن لیگی بیلدیریلگن مرکز لر یوق قیلیندی" دییه قید ایتیلگن لیگی ایسله تیلماقده. 

ستار روزنامه سی, تورکیه ده ایشلب چیقریلگن هیداوچیسیز دینگیز واسطه سی نینگ, قیلینگن تست دایره سیده دینگیزده گی هدف کیمه نی انیق اوریب غرق قیلگن لیگی گه دقت قره تماقده. 

خبرده, اوشبو تستده بیرقدار تی بی اوچووچیسیز اوچاق نینگ هم وظیفه اجرا قیلگن لیگی معلوم قیلینماقده. 

روزنامه, شونده ی قیلیب دنیاده ایلک مراتبه تورکیه نینگ هیداوچیسیز دینگیز واسطه سی بیلن اوچووچیسیز اوچاغی دن اورتاق بیر شکلده فایده له نیلگن لیگینی یازماقده. 

صباح روزنامه سی, تورکیه جمهوریتی ترانسپورت و زیربنا وزیری عبدالقادر اورال اوغلی نینگ, زیگانا تونلی بیلن ایگیستا هادیمی کوپریگی نینگ خلق ارا یول فدراسیونی دن بیرینچی لیک ساورینی نی کسب ایتگن لیگینی بیلدیررایکن, خوددی شوو ساورین لر نینگ تورکیه نینگ انجنیرلیک ساحه سی بوییچه موفقیتی نی عکس ایتدیریاتگن لیگینی ایسله تیب اوتگن لیگینی معلوم قیلماقده. 

خبرتورک روزنامه سی, 58- جمهوررئیسلیک تورکیه بایسکل هیده ش فعالیت لری نینگ موغلا ده گی بولیمی گه دنیا بویلب تنیقلی بایسکل هیداوچی لری نینگ هم اشتراک قیله دیگن لیگینی یازماقده. 

خبرده, اوشبو دایره ده تورکیه نینگ موغلا ولایتی نینگ تاریخی و مدنی بای لیک لری دن تشقری دینگیزی نینگ هم 19 تیلده 190 اولکه ده میلیونلب کیشی گه کورسه تیله دیگن لیگی ایسله تیلماقده.