تورکیه نینگ مطبوعات خلاصه لری

خبرتورک گزیته سی: "خاقان فیدان پی کاکا/وای پی جی مشروع هدف دیر" سرلوحه سی بیلن خبر بیره دی.

خبرگه کوره تشقی ایشلر وزیری خاقان فیدان انقره ده گی ترورچیلیک هجومی گه قول اورگن ایککی تروریست جنگری نینگ سوریه دن کیلگن لیگینی معلوم قیلیب اینیقسه عراق و سوریه ده پی کاکا/وای پی جی نینگ برچه جایلری بوندن کیین مشروع هدف ایکن لیگینی معلوم قیلگن لیگی یازیلماقده. گزیته فیدان نینگ "اوچونچی تامانلرنینگ پی کاکا/وای پی جی نینگ جایلریدن و شخصلریدن اوزاق توریشی بوییچه آگاهلنتیره من" دیگن لیگینی یازماقده.

حریت گزیته سی: " علی یف تورکیه بولمه ی جلسه یوق " سرلوحه سی بیلن خبر بیره دی.

خبرگه کوره آذربایجان جمهور باشلیغی الهام علی یف نینگ تورکیه نینگ هم قتنشیشی قبول بولمه یشی طفیلی ارمنستان، اروپا بیرلیگی، فرانسه و آلمان بیلن اسپانیاده گی اوچره شووگه قتنشمه یدی" دیب یازماقده.

وطن گزیته سی: تورک درونلری دنیانینگ کون ترتیبیدن توشمه یدی" سرلوحه سی بیلن خبر بیره دی.

خبرگه کوره دنیانینگ کوپلب اولکه سیگه صادر قیلینگن، اوروشده و تینچلیکده وظیفه آلیب باراتگن تورک قوراللی و قورالسیز هیداوچیسیز هوا واسطه لری درونلر بو مرته امریکانینگ مطبوعاتی نینگ کون ترتیبیده ایکن لیگینی یازماقده. گزیته بلومبرگ مجله سی نینگ تورک درونلری نینگ تاثیرینی یازگن لیگینی خبر بیرماقده. نیوزویک مجله سی نینگ ایسه آقینجینی مقته گن لیگینی، العربیه نینگ ایسه تورک درونلریدن ایش آلگن آذربایجان نینگ یوتوغی تیگینگن لیگینی یازماقده.    

ستار گزیته سی: "تورکیه صادرات بوییچه سپتامبر آییده ریکورد اورنه تدی " سرلوحه سی بیلن خبر بیره دی.

خبرگه کوره تورکیه سپتامبر آییده صادراتده ییللیک 0،3 فایز کوپه ییب 22 میلیارد 670 میلیون دالر بولدی. شونده ی بولیب تورکیه نینگ اینگ یوکسک سپتامبر آیی صادراتی گه ییتگن لیگینی یازماقده. 

صباح گزیته سی: " تورکیه گه میلیارد دالرلیک سرمایه کیریتیش تکلیفی" سرلوحه سی بیلن خبر بیره دی.

خبرگه کوره گزیته ینگی اقتصادی سیستم طفیلی چیت ایللیک سرمایه کیریتووچیلرنینگ فکریگه اولیملی اوزگریش یوزبیرگن لیگینی یازماقده. گزیته مرکز بانکی باشلیغی حفیظه غایه ایرکان نینگ "ذخیره لریمیزگه توغریدن توغری کیریش ممکن بولگن میلیاردلب دالرلیک تکلیف مکتوبی میزیم نینگ اوستیده" دیگن لیگینی یازماقده.