تورکیه مطبوعاتیدن خلاصه لر 14.09.2023

حریت روزنامه سی, تورکیه جمهوریتی تشقی ایشلر وزیری خاقان فیدان نینگ, تورکیه گه سفر قیلگن انگلیس کسبداشی جیمز کلیوورلی بیلن مطبوعاتی کنفرانس ترتیب له گن لیگینی بیلدیرماقده. 

خبرده, سویدن نینگ ناتو اعضالیگی بیلن علاقه لی گپیرگن فیدان نینگ, "تورکیه امضاله گن کیلیشوو لر گه اویغون حرکت قیلماقده.  تامانلر دن کوتیلگن مسئولیت لر انیق.  اوشبو دایره ده پروسه دوام ایتماقده" دییه قید ایتگن لیگی ایسله تیلماقده. 

صباح روزنامه سی, تورکیه جمهوریتی ایچکی ایشلر وزیری علی ییرلی قایه نینگ, توناون بیرگن بیاناتیده, 90 کونده ترور تشکیلات لری گه قرشی 43 مینگ 90 عملیات اویوشتیریلگن لیگینی بیلدیررایکن, 258 نفر ترورچی نینگ یوق قیلینگن لیگینی بیلدیرگن لیگی نی یازماقده. 

وطن روزنامه سی, تورکیه جمهوریتی صنایع و تکنالوژی وزیری محمد فاتح قاجیر نینگ, جنوبی کوریاده بولیب اوتگن 24- جهان بیلگی مجمع سیده چیت ایللیک سرمایه گذارلر گه قره ته بیرگن بیاناتیده, "تورکیه ده سرمایه گذارلیک قیلگن همه قازاندی و قازانیش گه دوام ایته دی, اوشبو توغریده ایشانیشینگیز ممکن.  ضرورتینگیز بولگن همکارلیک نی قیلیش اوچون توخته مسدن سعی و حرکت قیلماقد میز.  کیلینگ بیرگه ایشله یلیک و بیرگه قازانه یلیک" دییه قید ایتگن لیگی نی بیلدیرماقده. 

ینی شفق روزنامه سی, تورکیه نینگ موغلا ولایتی بودروم تومنیده, یونان عنصر لری تامانیدن تورک دینگیز چیگره لری گه هیده ب یوباریلگن 16 نفر قاچاق مهاجر نینگ تورکیه جمهوریتی قیرغاق خوفسیزلیک کوچلری تامانیدن قوتقریلگن لیک لرینی یازماقده. 

ستار روزنامه سی, تورکیه نینگ دینیزلی ولایتی تاواس تومنیده آلیب باریلگن تدقیقات لرده 9 میلیون ییللیک بیر اوتمیش گه ایگه ایکن لیگی اویلنگن حیوان فُسیل لری نینگ تاپیلگن لیگینی بیلدیرماقده.