تورکیه مطبوعاتیدن خلاصه لر 13.09.2023

خبرتورک روزنامه سی, تورکیه جمهوریتی جمهوررئیسی رجب طیب اردوغان نینگ, تورکیه عصری ادعا سی نینگ عملی بولیشی اوچون ملکی, دموکراتیک, ایرکین و کینگ کولملی ینگی بیر اساسی قانون گه ضرورت ایکن لیگینی بیلدیرگن لیگینی معلوم قیلماقده. 

خبرده, اردوغان نینگ ینگی اساسی قانون اوچون پارلمانده گی برچه گروپ لر بیلن اوچره شه دیگن لیک لرینی بیلدیرگن لیگی ایسله تیلماقده. 

صباح روزنامه سی, جمهوررئیس اردوغان نینگ, تلفن آرقه لی, لیبیا باش وزیرلیک کینگشی باشلیغی محمد المنفی بیلن سوزلشگن لیگینی یازماقده. 

خبرده, اردوغان نینگ لیبیا ده گی سوو تاشقینی سببلی المنفی گه قیغوداشلیک بیلدیرگن لیگی معلوم قیلینماقده. 

ینی شفق روزنامه سی, اسرائیلده اینگ کوپ اوقیله دیگن روزنامه دن عبارت هاآرتس اوچون یازه دیگن زوی باریل نینگ, مقاله سیده تورکیه بیلن اسرائیل نی مقایسه قیلگن لیگینی بیلدیرماقده. 

خبرده, "اردوغان اسرائیل گه لیبرالیزم درسی بیرماقده" عنوانی گه ایگه مقاله سیده انسان حق لریگه اهمیت بیرمه گن تل ابیب رهبریتی نی قتتیق تنقید قیلگن زوی باریل نینگ, اردوغان نینگ انسان حق لری بوییچه حساسیتی نینگ ایسه اسرائیل اوچون درس خصوصیتی گه ایگه ایکن لیگینی بیلدیرگن لیگی ایسله تیلماقده. 

ستار روزنامه سی, اروپا اتفاقی کمیسیونی نینگ قوشنی چیلیک و کینگه ییش ایشلری بوییچه مسئول اعضاسی اولیویر وارهیلی نینگ, "بیزنینگ جهتی میزدن تورکیه بیلن بولگن مناسبت لری میز جوده مهم.  تورکیه, کاندید اولکه, ناتو متفقی, یقین قوشنی و اورته شرق, جنوبی قفقاز و قاره دینگیز منطقه لری نینگ برقرارلیگی و خوفسیزلیگی جهتی دن اینگ مهم اورتاق بولیش گه دوام ایتماقده" دییه قید ایتگن لیگی گه دقت قره تماقده. 

حریت روزنامه سی, قبرسده اوتگن آیده بیرلشگن ملتلر تشکیلاتی کنترولیده گی آره منطقه ده اورین آلگن بشری مقصدلی پیله قیشلاغی یولی قوریلیشیده بیرلشگن ملتلر تشکیلاتی تینچلیک نی سقلش کوچی بیلن یوز بیرگن جنجال آرتیدن آلدینگی کون پایتخت لیفکوشه ده ایکّینچی جنجال نینگ یوز بیرگن لیگی نی معلوم قیلماقده. 

خبرده, شمالی قبرس تورک جمهوریتی جمهوررئیسی ارسین تاتار نینگ, اوشبو حادثه بیلن علاقه لی بیرگن بیاناتیده, "بیرلشگن ملتلر تشکیلاتی نینگ طرفسیزلیگی بوییچه ایریم سئوال لرنینگ پیدا بولیشی گه سبب بولدی" دییه قید ایتگن لیگی بیلدیریلماقده.