تورکیه مطبوعاتیدن خلاصه لر 12.09.2023

حریت روزنامه سی, تورکیه جمهوریتی جمهوررئیسی رجب طیب اردوغان نینگ, تلفن آرقه لی ارمنستان باش وزیری نیکول پاشنیان بیلن سوزلشگن لیگینی بیلدیرماقده. 

خبرده, اوشبو صحبتده, تورکیه بیلن ارمنستان اورته سیده گی مناسبت لر دن تشقری, منطقه و خلق ارا مقیاسده گی ینگیلیکلر توغریسیده هم سوز یوریتیلگن لیگی معلوم قیلینماقده.

روزنامه, عینی دمده صحبتده, ایکله رهبر نینگ منطقه ده قالووچی تینچلیک و برقرارلیک نینگ اورنه تیلیشی نینگ منطقه اولکه لری نینگ همه سی نینگ رواجله نیشی و رفاهی گه حصه قوشه دیگن لیگینی بیلدیررایکن, اوشبو جهتده دیپلماتیک سعی و حرکت لری نی دوام ایتدیره دیگن لیک لرینی ایسله تیب اوتگن لیک لرینی یازماقده. 

وطن روزنامه سی, جمهوررئیس اردوغان نینگ, اعلان قیلینگن اورته مدتلی اقتصادی برنامه نینگ دنیا ده جوده ایجابی کوتیب آلینگن لیگی و بازار لرنی فرقلی بیر شکلده تینچ قیلیب قویگن لیگینی بیلدیرگن لیگینی ایسلتماقده. 

خبرده, اردوغان نینگ, "ایندی چیت ایللردن تورکیه گه قرضه کیله باشله یدی" دییه قید ایتگن لیگی بیلدیریلماقده. 

ینی شفق روزنامه سی, جمهوررئیس اردوغان نینگ, غله دهلیزی بیلن علاقه لی روسیه جمهوررئیسی ولادیمیر پوتین بیلن اوچره شوو لری نینگ دوام ایته دیگن لیگینی بیلدیرگن لیگینی یازماقده. 

خبرده, "روسیه نینگ طلب لری انیق و تینیق" دیگن اردوغان نینگ, اوز سوز لرینی "غربی اولکه لر نینگ, تورکیه نینگ سعی و حرکت لری نی تقدیر قیلیش بیلن بیرگه, اوز لری نینگ هم سعی و حرکت قیلیش لری کیره ک, بیرگن وعده لری گه وفا قیلیش لری ضروری" شکلیده دوام ایتدیرگن لیگی ایسله تیلماقده. 

ستار روزنامه سی, قزاقستان باش وزیر اورینباسری و تشقی ایش لر وزیری مراد نورتلئو نینگ, "انقره نینگ دنیاده گی رولی و حرمتی آرتیب بارماقده.  تورکیه خلق ارا مقیاسده گی بحران و منطقه ده گی توقنه شوو لر نینگ اداققه ییتیشتیریلیشیده فعال رول اوینه ماقده" دییه قید ایتگن لیگینی بیلدیرماقده. 

خبرده, نورتلئو نینگ, اوز سوز لرینی, "بیز تورکیه نینگ اقتصاد, تعلیم, تشقی سیاست و باشقه ساحه لر بوییچه موفقیت لری نینگ مقتاوگه سزاوار ایکن لیگینی بیلدیرماقده میز" شکلیده دوام ایتدیرگن لیگی بیلدیریلماقده.