تورکیه مطبوعاتیدن خلاصه لر 07.09.2023

ستار روزنامه سی, امریکا قوشمه ایالتلری مسلمان موسسه لری کینگشی اعضالری بیلن صحبت قیلگن تورکیه جمهوریتی جمهوررئیسی رجب طیب اردوغان نینگ, "قرآن کریم گه قرشی هجوم لرگه سوز ایرکین لیگی بهانه سی بیلن اجازت بیریلیشی نی قبول قیلمه دیگن لیگی میز نی هردایم بیلدیریب کیلماقده میز.  بو انیق بیر نفرت جرمی و وحشت دن عبارت" دییه قید ایتگن لیگینی یازماقده.

حریت روزنامه سی, تورکیه جمهوریتی تشقی ایشلر وزیری خاقان فیدان نینگ, سوریه ده عرب قبیله لر بیلن ترور تشکیلات لری اورته سیده گی توقنه شوو لر بیلن علاقه لی بیرگن بیاناتیده, "منطقه ده اینیقسه عرب لرنینگ وای پی جی تامانیدن باسیم گه دوچ کیلیب قالیشی نینگ اداققه ییتیشیشی کیره ک.  ایندی وای پی جی نینگ منطقه ده مشروع بیر کوچ گه ایگه ایکن دیک کورسه تیلیشی نینگ توخته تیلیشی ضروری.  بونده ی بولمس لیگی تقدیرده, بیز کوریب تورگن توقنه شوو لر فقط گینه بیر باشلنغیچ دن عبارت بوله دی خلاص" دییه قید ایتگن لیگینی ایسلتماقده. 

خبرتورک روزنامه سی, اروپا اتفاقی کمیسیونی نینگ قوشنی چیلیک و کینگه ییش ایش لری بوییچه مسئول اعضاسی اولیویر وارهیلی نینگ, "انقره ده ینگی حکومت نینگ قوریلیشی بیلن بیرگه اروپا اتفاقی- تورکیه مناسبت لری نی آلغه آلیب باریشی میز نینگ ممکن ایکن لیگینی اویله ماقده من" دییه قید ایتگن لیگینی بیلدیرماقده. 

صباح روزنامه سی, یینگیل تعرض, تعلیم و گزمه وظیفه لری دن تشقری اکروباتیک نمایش اوچاغی اوله راق هم استفاده ایتیلیشی ممکن بولگن حُر جت نینگ, ایلک مراتبه تورک یولدوز لری بیلن اوچگن لیگینی معلوم قیلماقده. 

ینی شفق روزنامه سی, تورکیه نینگ اینگ مهم توریزم مرکز لری دن بیری بولگن قاپادوکیا گه میلادی 2023- ییل نینگ دستلبکی 8 آییده 3 میلیون 53 مینگ 827 نفر محلی و خارجی توریست نینگ کیلگن لیگینی یازماقده.