تورکیه نینگ مطبوعات خلاصه لری

صباح گزیته سی: " ایردوغان: تورکیه حمله لری بیلن مطرح بولماقده" سرلوحه سی بیلن خبر بیره دی.

خبرگه کوره جمهور باشلیغی رجب طیب ایردوغان توناون کونی استانبول ده قیلگن صحبتده تورکیه نینگ حربی، دیپلوماتیک، اقتصادی و سیاسی حمله لر بیلن اوزینی مطرح قیلگن بیر اولکه بولگن لیگینی ایتدی.

خبرتورک گزیته سی: " تشقی ایشلر وزیری خاقان فیدان بیلن روس کسبداشی لاوروف مشترک بیانات بیردی" سرلوحه سی بیلن خبر بیره دی.

خبرگه کوره توناون کونی رسمی اوچره شوولر اوچون روسیه نینگ پایتختی مسکوگه تشریف بیورگن تشقی ایشلر وزیری خاقان فیدان روس کسبداشی سرگی لاوروف بیلن اوچره شدی. اوچره شوونینگ آرتیدن بیانات بیرگن فیدان قاره دینگیز حبوبات کوریدوری بیلن تیگیشلی "اولکه میزنینگ حصه قوشیشی بیلن بیرلشگن ملتلر تشکیلاتی ینگی بیر تکلیف تیارله دی. بونینگ تشبث نینگ عملی قیلینیشیده مناسب فضا یراتگن لیگینی اویله یمیز." دیدی. لاوروف هم روس حبوباتی نینگ صادراتی بیلن تیگیشلی غرب نینگ وعده سیگه تورمه گن لیگینی معلوم قیلیب "بیرلشگن ملتلر تشکیلاتی بیلن بولگن پکیج کیلیشوویده گی شرطلریمیز بجا کیلتیریلگن تقدیرده حبوبات کیلیشوویگه کیله میز" دیب ایتدی.  

ستار گزیته سی: مودیز تورکیه اوچون اوسیش تخمینینی یوقاری کوتردی" سرلوحه سی بیلن خبر بیره دی.

خبرگه کوره مودیز تورکیه اقتصادی اوچون جاری ییل گه تیگیشلی اوسیش تخمینینی 2،6 فایزدن 4،2 و کیلگوسی ییل اوچون ایسه 2 فایزدن 3 فایزگه کوتردی.

حریت گزیته سی: "خزینه و مالیه وزیری شیمشک: اولیملی تاثیرلرنی کوریش گه باشله دیک" سرلوحه سی بیلن خبر بیره دی.

خبرگه کوره خزینه و مالیه وزیری محمد شیمشک تورکیه نینگ ییل نینگ ایککینچی چاره گیده عملگه آشیرگن 3،8 فایز اوسیش گه تیگیشلی "بیز عملی قیلگن پولیتیکالرنینگ اولیملی تاثیرلرینی کوریش گه باشله دیک. بو تاثیرلرنینگ دایمی بولیشی و برقرارلیک نینگ تامین ایتیلیشی اوچون کیره کلی آدیملرنی آتیش گه دوام ایته میز." دیب ایتدی.

وطن گزیته سی: "تورکیه OECD ده اینگ تیز اوسگن اولکه بولدی" سرلوحه سی بیلن خبر بیره دی.

خبرگه کوره تورکیه ییل نینگ ایککینچی چاره گیده بولگن 3،8 لیک اوسیش بیلن اقتصادی همکارلیک و رواجلنیش گروهی اولکه لری ایچیده اینگ یوکسک درجه ده اوسگن ایککینچی، جی 20 اولکه لری قطاریده اوچونچی بولدی.