تورکیه مطبوعاتیدن خلاصه لر 14.08.2023
تورکیه مطبوعاتیده باسیلیب چیققن خبر لرنینگ خلاصه لری
ینی شفق روزنامه سی, تورکیه جمهوریتی جمهوررئیسی رجب طیب اردوغان نینگ, چیت ایللر گه سفر لری نینگ باشله یدیگن لیگینی یازماقده.
خبرده, اردوغان نینگ جاری آی نینگ سونگّیده هنگری گه و سپتامبر آییده ایسه هندوستان بیلن امریکا قوشمه ایالتلری گه تشریف بویوره دیگن لیگی ایسله تیلماقده.
روزنامه, دنیا بیلن علاقه لی مهم قرار لرنینگ قیلینه دیگن بیرلشگن ملتلر تشکیلاتی عمومی کینگشی ییغیلیشی گه اشتراک قیله دیگن اردوغان نینگ, امریکا گه تشریفی چاغیده اولکه لرنینگ رهبر لری بیلن اوچره شوو لر اوتکزه دیگن لیگینی معلوم قیلماقده.
حریت روزنامه سی, آلمان نشرات ارگانی دن عبارت دویچه ویله نینگ تورکیه نینگ روسیه- اوکراین اوروشیده گی اهمیتی گه دقت قره تگن لیگینی بیلدیرماقده.
خبرده, اوکراین نینگ اشغالی نینگ آرتیدن تورکیه نینگ استانبول و چنق قلعه تنگه لری نی برچه اوروش کیمه لری گه یاپیب قوییب دینگیزده گی کوچ موازنه سی نی اسره ب قالگن لیگی معلوم قیلینگن متنده, اوشبو وضعیت نینگ تورکیه گه مهم بیر جیوستراتیژیک موقعیت کسب ایتدیرگن لیگی نینگ بیلدیریلگن لیگی معلوم قیلینماقده.
ستار روزنامه سی, تورکیه ده یشه یاتگن قاچقین لرنینگ اولکه لری گه یوباریلیشی بیلن علاقه لی کینگ کولملی فعالیت لرنینگ دوام ایته یاتگن لیگینی یازماقده.
خبرده, اوشبو دایره ده سوریه نینگ حلب منطقه سیده اجتماعی و تجاری فعالیت لرنینگ آرتیریلیشی نینگ هدف قیلیب آلینگن لیگی گه دقت قره تیلماقده.
روزنامه, اوشبو ریجه نینگ تطبیق ایتیله باشله نیشی بیلن بیرگه تورکیه ده یشه یاتگن یوز مینگلب سوریه لیک نینگ اوز اولکه لری گه قیتیب کیته دیگن لیکلرینی بیلدیرماقده.
خبرتورک روزنامه سی, تورکیه گه لوکس کیمه لر بیلن کیلگن توریست لر سانی نینگ انچه آرتیب کیتگن لیگینی معلوم قیلماقده.
خبرده, اوتگن ییل نینگ خوددی شوو دوری بیلن سالیشتیریلگنده جاری ییل یاز موسمیده تورکیه گه لوکس کیمه لر بیلن کیلگن توریست سانی نینگ 66,7 فایز گه آشگن لیگی معلوم قیلینرایکن, اوشبو رقم نینگ ییل نینگ سونگّی گه قدر رکورد سویه گه کوتریلیب کیتیشی نینگ کوتیلیاتگن لیگی ایسله تیلماقده.
وطن روزنامه سی, تورکیه نینگ وان ولایتیده جایلشگن وان کولی نینگ تیبیده گی قالدیق لرنینگ تانیتیلرایکن, اوشبو قالدیق لر گه ینگی لری نینگ هم قوشیمچه قیلینگن لیگینی بیلدیرماقده.
خبرده, وان کولی نینگ تیبیده قبرستان و همده قیشلاق ایز لری نینگ موجود بولگن ساحه لرنینگ تاپیلگن لیگی ایسله تیلماقده.
