تورکیه مطبوعاتیدن خلاصه لر 02.08.2023

صباح روزنامه سی, یونانلیک ژورنالیست گیورگوس پاپاچریستوس نینگ تورکیه بیلن یونان اورته سیده گی مناسبت لر بوییچه مهم بیر اعتراف نی مطرح قیلگن لیگینی معلوم قیلماقده. 

خبرده, یونان نینگ اژه نی فقط گینه اوزینیکی دیک کورگن لیگینی بیلدیرگن اوشبو ژورنالیست نینگ, "اژه بیر یونان کولی دن عبارت ایمس.  تورکیه نینگ هم بو ییرده موجود ایکن لیگی نی قبول قیلمس لیگی میز تقدیرده, یخشی قوشنی چیلیگی میز نینگ بولیشی ممکن ایمس" دییه قید ایتگن لیگی بیلدیریلماقده. 

خبرتورک روزنامه سی, مصر صنایع و تجارت وزیری احمد سامر صالح نی کوتیب آلگن تورکیه جمهوریتی تجارت وزیری عمر بولات نینگ, تورکیه نینگ مصر بیلن بولگن تجارت حجمی نی 5 ییلده 15 میلیارد دالر گه آرتیریش نی هدف قیلیب آلگن لیک لرینی بیلدیرگن لیگینی یازماقده. 

ینی شفق روزنامه سی, آلمانده مونیخ عالی بیلیم یورتی نینگ تورک استادی پروفیسر داکتر علی ارتورک نینگ, برچه ارگانیزم نی تینیقلشتیریب حتی بیر حجره نی هم آلدین مثالی کورینمه گن انیقلیکده کوریش گه موفق بولگن ینگی موفقیتی نینگ, اینگ کتته سرطان کسللیگی تدقیقات مرکز لری دن بیری بولگن Cancer Research UK تامانیدن سرطان نینگ تشخیص و تداوی سیده ینگی بیر دور نینگ باشلنغیچی اوله راق بهالنتیریلگن لیگینی بیلدیرماقده. 

ستار روزنامه سی, تورکیه جمهوریتی ترانسپورت و زیربنا وزیری عبدالقادر اورال اوغلی نینگ, جاری ییل نینگ دستلبکی آلتی آییده اروپا ده گی اینگ یخشی کارگو ترافیکی گه ایگه ایلک 10 هوا قونلغه سی آره سیده استانبول هوا قونلغه سی نینگ بیرینچی اوریننی ایگلله گن لیگینی بیلدیرگن لیگینی یازماقده. 

حریت روزنامه سی, تورکیه نینگ توریستیک مرکز لری دن بیر بولگن آنتالیا گه 1 جنوری بیلن 31- جولای آره سیده اوچاق بیلن 8 میلیون 184 مینگ 89 توریست نینگ کیلگن لیگینی معلوم قیلماقده.