تورکیه مطبوعاتیدن خلاصه لر 01.08.2023

حریت روزنامه سی, تورکیه جمهوریتی تشقی ایشلر وزیری هاکان فیدان نینگ, سویدن و دنمارکده قرآن کریم گه قره تیلگن حرمتسیزلیک لر بیلن علاقه لی بیرگن بیاناتیده, " ایکله اولکه نینگ هم خوددی شوو معما نینگ ضرر لری و تهدید لری نی درک ایته باشله گن لیگینی کورماقده میز" دییه قید ایتگن لیگینی بیلدیرماقده. 

ستار روزنامه سی, تشقی ایشلر وزیری فیدان نینگ, آذربایجان- ارمنستان منطقه سیده تینچلیک و برقرارلیک نینگ اورنه تیلیشی یولی نینگ کینگ کولملی بیر تینچلیک دن عبارت ایکن لیگینی بیلدیررایکن, بونینگ اوچون زنگزور دهلیزی نینگ آچیلیشی نینگ کتته اهمیت گه ایگه ایکن لیگینی معلوم قیلگن لیگینی ایسلتماقده. 

خبرتورک روزنامه سی, تورکیه جمهوریتی انرژی و طبیعی منبع لر وزیری آلپ ارسلان بیرقدار نینگ, کورفز اولکه لری نینگ تورکیه بیلن جدی بیر شکلده قیزیقه یاتگن لیگینی معلوم قیلرایکن, "سعودی عربستان بیلن انرژی کیلیشووی امضاله دیک.  سعودی عربستان بیلن انرژی ساحه سی بوییچه جدی بیر همکارلیک نی هدف قیلیب آلماقده میز. مادی جهتدن مقداری حاضرچه انیق ایمس.  4 الی 5 مینگ میگاوات ینگی له نه آله دیگن انرژی پروژه سی گه قیزیقه یاتگن لیکلرینی کورماقده میز" دییه قید ایتگن لیگینی یازماقده. 

ینی شفق روزنامه سی, تورکیه جمهوریتی مدنیت و توریزم وزیری محمد نوری ارسوی نینگ, "تورکیه گه دستلبکی آلتی آیده کیلگن توریست سانی 17,5 فایز گه آشیب 22 میلیون 945 مینگ نفر گه ییتدی.  شونده ی قیلیب توریزم ساحه سی بوییچه عایدات 21 میلیارد 734 میلیون دالر گه کوتریلیب کیتدی" دییه قید ایتگن لیگی گه دقت قره تماقده. 

صباح روزنامه سی, استانبول هوا قونلغه سی نینگ, 17- و 23- جولای آره سیده کونده لیک اورته چه 1472 اوچیش بیلن اروپا نینگ اینگ مزدحم هوا قونلغه سی بولگن لیگینی ایسلتماقده.