تورکیه مطبوعاتیدن خلاصه لر 25.07.2023

خبرتورک روزنامه سی, تورکیه جمهوریتی جمهوررئیسی رجب طیب اردوغان نینگ, لوزان تینچلیک معاهده سی نینگ امضالنگن لیگی نینگ 100 ییللیگی مناسبتی بیلن پیام ترقه تگن لیگینی بیلدیرماقده. 

خبرده, اردوغان نینگ اوشبو پیامیده, "عزیز ملتی میز نینگ انیق مستقللیک اراده سی, لوزان تینچلیک معاهده سی نینگ مذاکره و امضا جریانیده هم اوزی نی عکس ایتدیردی" دییه قید ایتگن لیگی معلوم قیلینماقده. 

روزنامه, اردوغان نینگ اوشبو معاهده بیلن قولگه کیریتیلگن حقلرنی قرارلی لیک بیلن مدافعه ایترایکن, ینگی فعالیت لر آرقه لی تورکیه نینگ کسب ایتگن نرسه لرینی مستحکم له یدیگن لیکلرینی بیلدیرگن لیگینی یازماقده. 

صباح روزنامه سی, جمهوررئیس اردوغان نینگ, شمالی قبرس تورک جمهوریتی نی حمایت قیلیش گه دوام ایته دیگن لیک لرینی بیلدیررایکن, "قبرس ارالیده قالووچی و عادلانه بیر تینچلیک نینگ حاکم بولیشی اوچون برچه ایشلر نی قیلیشدن تارتینمه یمیز" دییه قید ایتگن لیگینی ایسلتماقده. 

ستار روزنامه سی, تورکیه جمهوریتی جمهوررئیسلیک علاقه باشقرمه سی نینگ باشلیغی فخرالدین آلتون نینگ, اوشبو باشقرمه نینگ قوریلگن لیگی نینگ 5 ییللیگی مناسبتی ویدیویی پیام ترقه تگن لیگینی معلوم قیلماقده. 

خبرده, آلتون نینگ اوشبو پیامیده, "باشقرمه میز, حقیقت کوره شیدن واز کیچمسدن, انسان لر گه توغری, تینیق و تیز معلومات بیریش گه دوام ایته دی" دییه قید ایتگن لیگی ایسله تیلماقده. 

ینی شفق روزنامه سی, امریکا قوشمه ایالتلری تشقی ایشلر وزیرلیگی نینگ, قاره دینگیز آرقه لی غله و حبوبات نینگ انتقال ایتدیریلیشی بوییچه کیلیشوو نینگ ینه امضاله نیشی توغریسیده, جمهوررئیس اردوغان بیلن روسیه دولت رهبری ولادیمیر پوتین اورته سیده بولیب اوته دیگن اوچره شوو نینگ مثبت نتیجه بیره دیگن لیگی حقیده امیدوار ایکن لیگینی بیلدیرگن لیگی نی یازماقده. 

حریت روزنامه سی, امریکا نینگ Al Monitor خبر سایتی نینگ, تورکیه ده ایشلب چیقریلیاتگن اوچووچیسیز اوچاق لر نی بهالنتیرگن لیگینی معلوم قیلماقده. 

خبرده, مذکور سایت نینگ خبریده, تورکیه میلادی 2019- ییلده اوشبو اوچووچیسیز اوچاق لرنی ساته باشله گن کوندن بیری, مذکور اوچاق لرنینگ اوکراین, قره باغ, لیبیا, سوریه, عراق, اتیوپیا و سومالیا داخل دنیا نینگ کوپلب جای لریده اوروش لرده جداً موفق بولگن لیگی نینگ معلوم قیلینگن لیگی ایسله تیلماقده.