تورکیه نینگ مطبوعات خلاصه لری

یینی شفق گزیته سی "ایردوغان خلق ارا همجمعیت گه قبرس موضوعی بوییچه چقیریق قیلدی سرلوحه سی بیلن خبر بیره دی.   

خبرگه کوره تورکیه جمهوریتی جمهور باشلیغی رجب طیب ایردوغان شمالی قبرس تورک جمهوریتیده ایرجان خلق ارا قونلغه سی نینگ ینگی ترمینال بناسی نینگ آچیلیشیده قیلگن صحبتده خلق ارا جمعیت گه «قبرس» چقیریغی قیلیب "شمالی قبرس تورک جمهوریتی گه قره ته حقوقی اساسی بولمه گن بوتونله ی سیاسی محدودیتلرنی کوتریب تشلش گه دعوت قیله من" دیب ایتدی.

حریت گزیته سی: " ایردوغان شمالی قبرس تورک جمهوریتینی تیزده تن آلینگ" سرلوحه سی بیلن خبر بیره دی.

خبرگه کوره تینچلیک و ایرکینلیک بیره می مراسمی دایره سیده شمالی قبرس تورک جمهوریتیده صحبت قیلگن جمهور باشلیغی ایردوغان دنیا مقیاسیده شمالی قبرس تورک جمهوریتینی رسمی روشده تن آلینیشی اوچون چقیریق قیلیب "بیرلشگن ملتلر تشکیلاتی ستیژیده قیلگن تاریخی چقیریق نی تکرارله یمن. کیلینگ آرالده گی حقیقتلرگه آرقه نگیزنی اوگیرمنگ شمالی قبرس تورک جمهوریتینی رسمی روشده تن آلینگ" دیدی. 

صباح گزیته سی: "روس پرسونللر استانبول دن کیتدی " سرلوحه سی بیلن خبر بیره دی.

خبرگه کوره ملی مدافعه وزیرلیگی منبعلری حبوبات کوریدوری کیلیشووی نینگ 17 جولایده اداغگه ییتیب باریشی بیلن روس پرسونللرنینگ استانبول ده گی مشترک علاقه مرکزیدن کیتگن لیگینی بیلدیردی.  

خبرتورک گزیته سی: "روسیه پمدیر وارد قیلیش مقدارینی کوپه یتیردی" سرلوحه سی بیلن خبر بیره دی.

خبرگه کوره روسیه، تورکیه دن پمدیر وارد قیلیش مقدارینی 350 مینگ تندن 500 مینگ تن گه کوپه یتیردی.

ستار گزیته سی: "میشلین رهبری نینگ تورکیه خریطه سیگه ازمیر و بودروم قوشیله دی" سرلوحه سی بیلن خبر بیره دی.

خبرگه کوره دنیا مقیاسیده اینگ معتبر رستورانت تیکشیروو سیستملریدن بیرته سی بولمیش میشلین رهبری تورکیه ده گیلریگه ازمیر بیلن بودروم نی هم قوشه دی. میشلین رهبرلری خلق ارا مدیری گویندال پولنگ "بو ایککی ینگی منطقه نی میشلین رهبری عایله سیگه کیریتیب تورکیه نی قولدن بیرمسلیک کیره ک ایکن لیگینی دنیاگه ییره ته میز." دیدی.