تورکیه نینگ مطبوعات خلاصه لری

ستار گزیته سی: " ایردوغان: متفقلریمیزنینگ پی وای دی/وای پی جی بیلن قورگن مناسبت اتفاققه ضرر بیره دی" سرلوحه سی بیلن خبر بیره دی.

خبرگه کوره ناتو جلسه سی نینگ آرتیدن مطبوعاتی کنفرانس اویوشتیرگن جمهور باشلیغی رجب طیب ایردوغان "بعضی بیر متفقلریمیزنینگ پی وای دی/وای پی جی بیلن قورگن مناسبت اتفاق نینگ بیرلیک و بوتونلیگی گه ضرر بیره دی. بونی معقول و منطقلی هیچ بیر جوابی یوق" دیدی.

خبرتورک گزیته سی: "ایردوغان: سویدن نینگ ناتوگه اعضالیگینی تصدیقلاوچی مقام تورکیه بویوک ملت مجلسی  " سرلوحه سی بیلن خبر بیره دی.

خبرگه کوره جمهور باشلیغی رجب طیب ایردوغان ناتو جلسه سی نینگ آرتیدن بیرگن بیاناتده سویدن نینگ ناتوگه اعضالیک جریانی حقیده "بیرینچی درجه تصدیقلاوچی مقام تورکیه بویوک ملت مجلسی دیر. تیزده بو جریان نینگ اداغگه ییتیشینی خواهله یمیز" دیب ایتدی.     

حریت گزیته سی: "بایدن ایردوغان گه ویدیو بیلن منتدارچیلیک بیلدیردی" سرلوحه سی بیلن خبر بیره دی.

خبرگه کوره امریکا قوشمه ایالتلری دولت باشلیغی جوبایدن ناتو رهبرلر جلسه سیده جمهور باشلیغی ایردوغان بیلن بولگن اوچره شووی بیلن تیگیشلی تصویرلرنی اجتماعی ترماق آرقه لی نشر قیلیب "جسارتینگیز، لیدرلیگینگیز و دیپلوماسینگیز اوچون منتدارمیز" دیدی.

صباح گزیته سی: "بیرلشگن ملتلر تشکیلاتی تامانیدن حبوبات کوریدوری اوچون تورکیه گه منتدارلیک بیلدیریلدی" سرلوحه سی بیلن خبر بیره دی.

خبرگه کوره بیرلشگن ملتلر تشکیلاتی باش کاتبی انتونیئو گوترش تامانیدن قاره دینگیز حبوبات کوریدوری کیلیشووی اوچون آلیب بارگن فعالیتلری طفیلی تورکیه گه منتدارلیک بیلدیریلدی.

یینی شفق گزیته سی "قورتولموش: تورکیه بیلن آذربایجان نینگ کوپ وقتی یوق " سرلوحه سی بیلن خبر بیره دی.    

خبرگه کوره تورکیه بویوک ملت مجلسی باشلیغی نعمان قورتولموش همراهیده گی پارلمانتر هیئاتی بیلن باکو اوچره شوولری دایره سیده جمهور باشلیغی الهام علی یف و باش وزیر علی اسدوف بیلن اوچره شدی. قورتولموش "تورکیه اوله راق قالگن جایدن یوروشگه دوام ایته میز. بیزنینگ هم آذربایجان نینگ هم کوپ وقتی یوق" دیدی.