تورکیه مطبوعاتیدن خلاصه لر 11.07.2023

صباح روزنامه سی, تورکیه جمهوریتی جمهوررئیسی رجب طیب اردوغان نینگ,توناون, تورکیه نینگ اروپا اتفاقی اعضالیگی بوییچه ناتو رهبرلری گه چیقریق بیررایکن, "دستلب تورکیه نینگ اروپا اتفاقی اعضالیگی بوییچه آلدینی آچینگ.  بیز هم سویدن نینگ آلدینی آچه یلیک" دییه قید ایتگن لیگینی یازماقده. 

ستار روزنامه سی, ناتو رهبر لر ییغیلیشی آلدی دن جمهوررئیس اردوغان نینگ اروپا اتفاقی بیلن علاقه لی سوزلری نینگ جهان مطبوعاتیده اوزی گه خاص بیر اورین گه ایگه بولگن لیگینی ایسلتماقده. 

خبرده, جمهوررئیس اردوغان نینگ, "آلدین تورکیه نینگ اروپا اتفاقی بوییچه آلدینی آچینگ" شکلیده گی سوزلری نینگ نشرات اورگان لری تامانیدن عنوان اوله راق استفاده ایتیلگن لیگی بیلدیریلماقده. 

روزنامه, اروپا مطبوعاتی نینگ جمهوررئیس اردوغان نینگ اروپا اتفاقی سیاستی نی "تورکیه گه محتاج لر" عنوانی بیلن ترقه تگن لیکلری گه دقت قره تماقده. 

حریت روزنامه سی, امریکا قوشمه ایالتلریده توناون آق اوی تامانیدن بیریلگن بیاناتده, "تورکیه نینگ اروپا اتفاقی اعضالیگی آرزوسی نی قوللب- قوتله ماقده میز" دییه قید ایتیلگن لیگینی معلوم قیلماقده.

خبرتورک روزنامه سی, تورکیه جمهوریتی جمهوررئیس اورینباسری جودت ییلماز نینگ, قطر خبر آژانسی آرقه لی تورکیه نینگ اروپا اتفاقی اعضالیگی توغریسیده گی بیر سئوال گه جواب قیترگن لیگینی یازماقده. 

خبرده, ییلماز نینگ, "تورکیه, بیر اروپا اولکه سی صفتیده, مسئولیت لرینی درک ایتگن وضعیتده.  اروپا اتفاقی دن هم مناسبت لری میز نینگ اورتاقلیک و اعضالیک پروسه سی آرقه لی آلغه کیتیشی جهتیده کیره کلی اراده نی کورسه تیشی نی کوتماقده میز" دییه قید ایتگن لیگی ایسله تیلماقده. 

وطن روزنامه سی, جمهوررئیس اردوغان نینگ, لتوانیا پایتختی ویلنیوسده ناتو عمومی منشی سی ینس استولتنبرگ و سویدن باش وزیری کریسترسون بیلن اوچره شگن لیگینی بیلدیرماقده. 

خبرده, اوشبو اوچره شوو آرتیدن بیانات بیرگن استولتنبرگ نینگ, "تورکیه, سویدن نینگ ناتو اعضالیگی بوییچه قرار نی پارلمان گه مطرح قیله دی.  حرمتلی اردوغان, مین و سویدن کیلیشیب آلیب بیر بیلدیرو امضاله دیک.  بیز نینگ تروریزم گه قرشی کوره ش قراری میز, تورکیه نینگ خوفسیزلیگی گه حصه قوشه دی" دییه قید ایتگن لیگی معلوم قیلینماقده.