تورکیه مطبوعاتیدن خلاصه لر 03.07.2023
تورکیه مطبوعاتیده باسیلیب چیققن خبر لرنینگ خلاصه لری
حریت روزنامه سی, یونان مطبوعاتی نینگ تورکیه جمهوریتی جمهوررئیسی رجب طیب اردوغان نینگ دیپلماتیک فعالیت لری نی یقیندن کوزه تیاتگن لیگینی بیلدیرماقده.
خبرده, ERT News ده بیریلگن خبرده, اردوغان نینگ 11- و 12- جولای ده لتوانیا پایتختی ویلنیوس ده بولیب اوته دیگن ناتو رهبر لر ییغیلیشی گه اشتراک قیله دیگن لیگی, قطر و بیرلشگن عرب امیرلیک لری کبی اولکه لر گه تشریف بویوره دیگن لیگی, سپتامبر آییده ایسه بیرلشگن ملتلر تشکیلاتی عمومی کینگشی گه اشتراک قیلیش مقصدی بیلن امریکا قوشمه ایالتلری گه سفر قیله دیگن لیگی نینگ بیلدیریلگن لیگی ایسله تیلماقده.
ستار روزنامه سی, ناتو اعضالیگی اوچون تورکیه نینگ تصدیقی نی کوتیاتگن سویدن حکومتی نینگ, پایتخت استکهلمده قرآن کریم نینگ یاندیریلیشی آرتیدن تدبیر آلیش گه حرکت قیله باشله گن لیگینی معلوم قیلماقده.
خبرده, سویدن تشقی ایش لر وزیرلیگی تامانیدن بیریلگن بیاناتده اوشبو ایش نی قیلگن کیشی نینگ چیت ایللیک بیر کیشی ایکن لیگی نینگ بیلدیریلگن لیگی معلوم قیلینماقده.
روزنامه, بیاناتده, بونده ی تحریک ایتووچی ایش لر نینگ بولمس لیگی اوچون چیگره خوفسیزلیگی گه اهمیت بیریلیاتگن لیگی نینگ بیلدیریلگن لیگی گه دقت قره تماقده.
خبرده, اوشبو بیاناتده, ینه بونده ی حادثه لرنینگ یوز بیرمس لیگی اوچون تدبیر لرنینگ آرتیریلگن لیگی نینگ معلوم قیلینگن لیگی بیلدیریلماقده.
صباح روزنامه سی, امریکا قوشمه ایالتلری ملی هواچیلیک و فضا اداره سی (ناسا) تامانیدن 11 ییلدن بیری ترتیب له نیاتگن خلق ارا فضا اپلیکیشن لری مسابقه سی (Space Apps Challenge) نینگ جاری ییلده گی اورتاق لری دن بیری نینگ هم تورکیه فضا آژانسی (TUA) دن عبارت بولگن لیگینی یازماقده.
خبرده, تورکیه جمهوریتی صنایع و تکنالوژی وزیری محمد فاتح قچیر نینگ "فضا تکنالوژی لری گه بوندن هم کوپراق سرمایه گذارلیک قیله میز" دییه قید ایتگن لیگی گه دقت قره تیلماقده.
خبرتورک روزنامه سی, تورکیه جمهوریتی ترانسپورت و زیربنا وزیری عبدالقادر اورال اوغلی نینگ, تورکیه نینگ آنتالیا و ترابزون ولایت لری هوا قونلغه لری نینگ قربان هییت بیره می مناسبتی بیلن یولاوچی لر سانی جهتی دن رکورد اورنتگن لیگینی بیلدیرگن لیگینی معلوم قیلماقده.
خبرده, اورال اوغلی نینگ, "بو بیره م رکورد اورنه تیلگن بیر بیره م دن عبارت بولدی. قیلینگن ایش لرنینگ ثمره سینی آلماقده میز. سرمایه گذارلیک و خدمت لری میز نی ینه ده آرتیریب دوام ایتدیره میز" دییه قید ایتگن لیگی ایسله تیلماقده.
