تورکیه مطبوعاتیدن خلاصه لر 23.06.2023

حریت روزنامه سی, تورکیه جمهوریتی خزانه و مالیه وزیری محمد شمشک نینگ, "تورک لیره سی نینگ برقرار و ایشانرلی بولیشی, دالر نینگ کوتریلیب کیتیشی دن نجات تاپیش بوییچه اینگ مهم یول دن عبارت" دییه قید ایتگن لیگینی بیلدیرماقده. 

خبرده, شمشک نینگ, "تورکیه عصری نینگ اساسی فلسفه سی اوچ اصطلاح دن عبارت: برقرارلیک, ایشانچ و دوام ایتدیره آلیش لیک" دییه قید ایتگن لیگی ایسله تیلماقده. 

وطن روزنامه سی, تورکیه جمهوریتی مرکز بانکی نینگ هفته لیک پول و بانک احصائیه لرینی اعلان قیلگن لیگی نی یازماقده. 

خبرده, بونگه کوره مرکز بانکی ده گی توپلم پول مقداری نینگ 16- جون بیلن اداققه ییتگن هفته ده 3 میلیارد 18 میلیون دالر آرتیب 102 میلیارد 801 میلیون دالر گه کوتریلیب کیتگن لیگی گه دقت قره تیلماقده. 

خبرتورک روزنامه سی, خلق ارا اعتبار نی اولچه ش موسسه سی دن عبارت Fitch Ratings نینگ, تورکیه نینگ جاری ییل بیلن علاقه لی اقتصادی کوچی نینگ آرتیش میزانی نی 2,5 و کیله جک ییل گه تیگیشلی ایسه اوشبو رقم نی 3 فایز اوله راق تخمین ایتگن لیگینی معلوم قیلماقده. 

خبرده, اوشبو موسسه نینگ راپوریده, میلادی 2025- ییلده تورکیه نینگ اقتصادی کوچی نینگ 3,8 فایز گه آشه دیگن لیگی نی تخمین ایتگن لیگی بیلدیریلماقده. 

ستار روزنامه سی, تورکیه جمهوریتی فرهنگ و توریزم وزیری محمد نوری ارسوی نینگ, "میلادی 2023- ییلده 60 میلیون توریست بیلن 56 میلیارد دالر عاید قولگه کیریتیش هدفی میز دوام ایتماقده. بوندن تشقری میلادی 2023- ییلده تورکیه دن ینه بیر نیچه نقطه نی میشلن کتابی گه قوشیمچه قیلماقچی میز" دییه قید ایتگن لیگی نی ایسلتماقده. 

ینی شفق روزنامه سی, تورکیه نینگ حاضرگی کونده اینیقسه بیلیم و تکنالوژی ساحه سیده گی موفقیت لری نینگ آرتیب کیتگن لیگینی بیلدیرگن تورکیه علمی و تکنالوژیک تدقیقات لر اداره سی (توبیتاک) نینگ باشلیغی پروفیسر داکتر حسن ماندال نینگ, اروپا اتفاقی کمیسیونی نینگ تورکیه نینگ اوشبو موفقیتی نی انیق درک ایتگن لیگی, تحسین ایتگن لیگی و باشقه اولکه لر گه الگو قیلیب کورستگن لیگینی بیلدیرگن لیگینی یازماقده.