تورکیه مطبوعاتیدن خلاصه لر 22.06.2023

ستار روزنامه سی, امریکا قوشمه ایالتلریده نشرات آلیب باریاتگن Energy Intelligence  نینگ, تورکیه ده 14- و 28- می کونلریده بولیب اوتگن سیلاو لر حقیده بحث ایترایکن, تورکیه جمهوریتی جمهوررئیسی رجب طیب اردوغان نینگ ظفری بیلن علاقه لی بیر مقاله ترقه تگن لیگینی بیلدیرماقده. 

خبرده, تورکیه نینگ ایرکین بیر تشقی سیاست آلیب باریاتگن لیگی گه دقت قره تیلگن مقاله ده, "اردوغان اقتداری دوامیده, اروپا و امریکا قوشمه ایالتلری منفعت لری دن مستقل و اوزی گه خاص بیر تشقی سیاست آلیب باردی" دییه قید ایتیلگن لیگی ایسله تیلماقده. 

ینی شفق روزنامه سی, توناون قزاقستان پایتختیده آستانه مذاکره لری نینگ 20- روندی نینگ بولیب اوتگن لیگینی یازماقده. 

خبرده, اوچره شوولر اداغیده روسیه, تورکیه و ایران نینگ اورتاق بیر بیلدیرو نی قبول قیلگن لیگی بیلدیریلماقده. 

روزنامه, اوشبو بیلدیرو گه کوره, تورکیه, روسیه و ایران نینگ, سوریه نینگ شمالشرقیده ترور تشکیلاتی پ.ک.ک/وای پی جی نی حمایت قیلیاتگن اولکه لرنی قاره له گن لیگی گه دقت قره تماقده. 

صباح روزنامه سی, تورکیه جمهوریتی ترانسپورت و زیربنا وزیری عبدالقادر اورال اوغلی نینگ, "تورکیه ده ایشلب چیقریلگن سرعتلی ریلی میز نینگ میلادی 2025- ییلده ایش گه توشیریلیشی نی ریجه له ماقده میز" دییه قید ایتگن لیگینی معلوم قیلماقده. 

حریت روزنامه سی, تورکیه نینگ توریستیک شهریدن عبارت انتالیا گه طیاره بیلن کیلگن چیت ایللیک توریست سانی بوییچه 17- جون کونی 86 مینگ 278 کیشی و 1081 اوچاق بیلن ینگی بیر رکورد اورنه تیلگن لیگینی بیلدیرماقده. 

وطن روزنامه سی, جاری ییل جنوری بیلن می آی لری آره سیده تورکیه نینگ دینگیز حلزونی صادراتی نینگ 159 فایز گه آشیب 7 میلیون 235 مینگ 437 دالر گه کوتریلیب کیتگن لیگینی یازماقده. 

خبرده, اینگ کوپ صادرات نینگ ایسه جنوبی کوریا گه قیلینگن لیگی ایسله تیلماقده.