تورکیه مطبوعاتیدن خلاصه لر 14.06.2023

حریت روزنامه سی, تورکیه جمهوریتی جمهوررئیسی رجب طیب اردوغان نینگ, توناون آذربایجانده قیلگن معروضه سیده, زنگزور دهلیزی نینگ تورکیه- آذربایجان مناسبت لری نینگ کوچه یب کیتیشی گه سبب بوله دیگن لیگینی بیلدیرگن لیگینی معلوم قیلماقده. 

خبرده, اردوغان نینگ, "زنگزور موضوعی نی زودلیک بیلن حل ایتیشی میز تقدیرده بو بیزگه ایکّی مهم نرسه کسب ایتدیره دی.  قوریقلیک و تیمیر یولی آرقه لی ایغدیر نخجوان ارتباط لری کوچلی بیر وضعیت گه کیلتیریله دی" دییه قید ایتگن لیگی ایسله تیلماقده. 

ستار روزنامه سی, آذربایجان جمهوررئیسی الهام علی اف نینگ, توناون بیرگن بیاناتیده, "تورکیه بیلن آذربایجان بوندن کیین هم اورتاق بیر تشقی سیاست آلیب باره دی. تشقی سیاستده گی اورتاق فعالیت لری میز منطقه اوچون هم کتته اهمیت گه ایگه.  منطقه نینگ رواجله نیشی, برقرارلیگی و خوفسیزلیگی جهتی دن تورکیه- آذربایجان همکارلیگی جوده مهم" دییه قید ایتگن لیگی گه دقت قره تماقده. 

صباح روزنامه سی, آلمانلیک ژورنالیست لرنینگ تورکیه نینگ بورسا ولایتیده جایلشگن گملیک تکنالوژی مرکزی ده تورکیه نینگ ایشلب چیقرگن برقی موتر دن عبارت توگ نی کوریب چیققن لیک لرینی بیلدیرماقده. 

خبرده, آلمان لیک ژورنالیست لرنینگ گملیک تولید مرکزی گه قیزیقیشی نینگ جوده کتته بولگن لیگی معلوم قیلینماقده. 

ینی شفق روزنامه سی, تورک هوا یوللری تخنیک شرکتی نینگ, بیرلشگن عرب امیرلیک لری نینگ هوا یوللری شرکتی دن عبارت Emirates  بیلن 17 بوینگ 777 اوچاغی گه تخنیک خدمت کورسه تیش بوییچه کیلیشوو امضاله گن لیگینی یازماقده. 

خبرتورک روزنامه سی, تورکیه جمهوریتی احصائیه اداره سی نینگ, اپریل آیی بیلن علاقه لی تشقی تجارت اندکس لری نی اعلان قیلگن لیگینی بیلدیرماقده. 

خبرده, بونگه کوره اوتگن ییل نینگ خوددی شوو دوری بیلن سالیشتیریلگنده اپریل آییده صادرات واحدی قیمت اندکسی نینگ 1,1 فایز گه آشگن لیگی معلوم قیلینماقده.