تورکیه نینگ مطبوعات خلاصه لری

خبرتورک گزیته سی: " ایردوغان پوتین و زلنسکی گه ییقیلگن توغان اوچون تیرگاو چقیریغی قیلدی" سرلوحه سی بیلن خبر بیره دی.

خبرگه کوره جمهور باشلیغی رجب طیب ایردوغان روسیه دولت باشلیغی ویلادیمیر پوتین و اوکراین جمهور باشلیغی ولودیمیر زلنسکی بیلن علیحده علیحده سوزلشدی. ایردوغان اوشبو سوزلشووده اوکراینده جایلشگن کاخوفکا توغانیده یوزبیرگن پارتلش بیلن تیگیشلی کینگ بیر تیرگاونینگ هیچ بیر شبهه گه بولمه گن شکلده آلیب باریش نینگ مهم ایکن لیگینی افاده ایتدی.

ستار گزیته سی: "روسیه: ایردوغان نینگ بیاناتلریگه ماسلنماقده میز  " سرلوحه سی بیلن خبر بیره دی.

خبرگه کوره روسیه تشقی ایشلر وزیرلیگی سوزچیسی ماریه زهراوه تورکیه بیلن مناسبتلرنینگ جمهور باشلیغی رجب طیب ایردوغان نینگ اوزارا منفعت کیریتووچی هر تامانلمه همکارلیک نی رواجلنتیریش توغریسیده گی بیاناتلریگه ماسلنگن لیکلرینی ایتدی.  

وطن گزیته سی: "سویدن قرار بیره دی" سرلوحه سی بیلن خبر بیره دی.

خبرگه کوره ناتوگه اعضا بولماقچی بولگن سویدن ده ینگی تروریزم گه قرشی کوره ش قانونی نینگ 1 جونده عملی بولیب باشلش بیلن عالی سود 35 یاشیده گی پی کاکا منسوبی تروریست نینگ تسلیم بیریلیشی گه اولیملی یانداشوو کورستدی. کیلگوسی آیده گی ناتو جلسه سی آلدی تورکیه نینگ تصدیق ایتیشینی کوتیب تورگن ستکهلم باشقرووی تسلیم بیریش اوچون نهائی قرارینی بیره دی. 

حریت گزیته سی: "تورکیه ده نفت تولیدی سونگگی 32 ییل ده تیپه گه چیقدی" سرلوحه سی بیلن خبر بیره دی.

خبرگه کوره تورکیه ده سونگگی نفت کشفلری بیلن 32 ییل نینگ اینگ یوقاری یورت ایچی تولیدی سویه سیگه ییتدی. کونده لیک نفت تولیدی 70 مینگ 76 واریل گه ییتدی. هدف ییل سونگگیده 90 مینگ واریل تولیدی.

یینی شفق گزیته سی "تورک دنیاسی کستمونوده ییغیله دی " سرلوحه سی بیلن خبر بیره دی.    

خبرگه کوره تورک دنیاسی کونلری 9-11 جون تاریخلری کستمونوده طنطنه لی نشانلنه دی. عنعنوی تورک دنیاسی کونلریده 23 ته ایریم اولکه دن کوپلب صنعتچی کنسرت بیره دی، اجداد میراثی بیلن تیگیشلی پروگراملر، دانس نمایشلری و ایریم کورگزمه لر بولیب اوته دی.