تورکیه مطبوعاتیدن خلاصه لر 07.06.2023

وطن روزنامه سی, تورکیه جمهوریتی جمهوررئیسی رجب طیب اردوغان نینگ, ینگی کابینه سی بیلن جمهوررئیسلیک مجتمع سیده ایلک ییغیلیشی نی اوتکزگن لیگینی معلوم قیلماقده. 

خبرده, ییغیلیش آرتیدن بیانات بیرگن جمهوررئیس اردوغان نینگ, تورم دن کیلیب چیقیاتگن نرخ لرنینگ یوقاری ایکن لیگی بوییچه معمانی ییچیش توغریسیده قرارلی ایکن لیکلرینی بیلدیرگن لیگی ایسله تیلماقده. 

حریت روزنامه سی, 28- می کونی بولیب اوتگن سیلاولرده غلبه قازانگن جمهوررئیس اردوغان نینگ مطبوعاتده اینگ کوپ اورین اجره تیلگن کیشی بولگن لیگینی بیلدیررایکن, الجزیره نینگ قیزیق بیر تحلیل نی مطرح قیلگن لیگینی یازماقده. 

خبرده, 'اردوغان نینگ ینه سیله نیشی تورکیه- کورفز مناسبت لری جهتی دن نیمه معنی گه کیله دی؟' سئوالی گه جواب قیدیرگن الجزیره نینگ اردوغان نینگ تاثیری حقیده قوییده گی سوزلر گه اورین اجره تگن لیگی ایسله تیلماقده: "تورکیه جمهوررئیسی نینگ منطقه مقیاسیده گی رهبر لر بیلن شخصی مناسبت لری دن تشقری اقتصاد و مدافعه ساحه لری بوییچه کیلیشوو لر هم علاقه لر نی کوچه یتیره دی". 

ینی شفق روزنامه سی, تورکیه جمهوریتی جمهوررئیسلیک علاقه باشقرمه سی باشلیغی فخرالدین آلتون نینگ, "دنیا نینگ اینگ کوپ ناتوغری خبر معما سی گه دوچ کیلیب قالگن اولکه صفتیده, ناتوغری خبر لرنینگ ترقه تیلیشی گه قرشی کوره شی میز قرارلی لیک بیلن دوام ایته دی" دییه قید ایتگن لیگینی یازماقده. 

صباح روزنامه سی, تورکیه جمهوریتی ایکینچیلیک سکتوری نینگ جنوری بیلن می آیلری آره سیده 14 میلیارد 58 میلیون دالرلیک صادرات قیلگن لیگینی بیلدیرماقده. 

خبرده, اوشبو رقم نینگ حاضرگی کون گه قدر بولگن جنوری بیلن می آیلری آره سیده گی اینگ یوقاری صادرات میزانی دن عبارت ایکن لیگی بیلدیریلماقده. 

خبرتورک روزنامه سی, اوتگن ییل نینگ خوددی شوو دوری بیلن سالیشتیریلگنده تورک لیره سی بیلن قیلینگن تشقی تجارت میزانی نینگ جاری ییل جنوری بیلن می آی لری آره سیده 138,8 فایز گه آشیب 287 میلیارد 59 میلیون دالر گه کوتریلیب کیتگن لیگینی ایسلتماقده.