تورکیه مطبوعاتیدن خلاصه لر 06.06.2023

صباح روزنامه سی, تورکیه جمهوریتی ملی مدافعه وزیری یاشر گولر نینگ, توناون بیرگن بیاناتیده, "اولکه میز نینگ تینچلیگی و خوفسیزلیگینی تهدید ایته دیگن هر خیل ترور تشکیلات لری گه قرشی اینگ سونگّی ترورچی یوق قیلینگونگه قدر کوره شیش گه دوام ایته میز" دییه قید ایتگن لیگینی بیلدیرماقده. 

حریت روزنامه سی, آلدین تورکیه جمهوریتی ملی استخبارات اداره سی باشلیغی بولگن حاضر ایسه تشقی ایش لر وزیری ایتیب تعینلنگن هاکان فیدان نینگ, توناون بولیب اوتگن مراسمده بیرگن بیاناتیده, "مینگه ایشانیلگن لیگی اوچون منتدارچیلیک بیلدیره من" دییه قید ایتگن لیگینی یازماقده. 

ینی شفق روزنامه سی, تورکیه جمهوریتی جمهوررئیسلیک علاقه باشقرمه سی نینگ, ابراهیم قلین نینگ تورکیه استخبارات اداره سی باشلیغی ایتیب تعینلنگن لیگینی بیلدیرگن لیگینی ایسلتماقده. 

خبرده, اوشبو باشقرمه تامانیدن بیریلگن بیاناتده, "جمهوررئیسی میز حرمتلی رجب طیب اردوغان, ابراهیم قلین نی ملی استخبارات اداره سی باشلیغی ایتیب تعینله دی" دییه قید ایتیلگن لیگی ایسله تیلماقده. 

ستار روزنامه سی, پاکستان باش وزیری شهباز شریف نینگ, تورکیه بیلن پاکستان اورته سیده گی مناسبت لر توغریسیده گپیررایکن, "اولکه لری میز بیر بدن ایچیده بیر وقت نینگ اوزیده ایشلیاتگن ایکّی یوره ککه اوخشه ماقده" دییه قید ایتگن لیگینی معلوم قیلماقده. 

خبرده, شریف نینگ, پاکستان و تورکیه نینگ یقین کیله جکده تجارت نی آرتیریش و بیو-گاز, قویاش انرژی سی و هایدروالکتریک ساحه لری گه اهمیت بیریب اقتصادی نی کوچه یتیریش اوچون اوز ارا همکارلیک لرینی آرتیره دیگن لیگینی بیلدیرگن لیگی گه دقت قره تیلماقده. 

خبرتورک روزنامه سی, تورکیه ده می آییده ییللیک تورم نینگ 39,54 فایز بولگن لیگینی بیلدیرماقده. 

خبرده, شونده ی قیلیب 7 آیده دواملی روشده تورم میزانی نینگ توشگن لیگی معلوم قیلینماقده.