تورکیه مطبوعاتیدن خلاصه لر 03.05.2023

صباح روزنامه سی, تورکیه جمهوریتی جمهوررئیسی رجب طیب اردوغان نینگ, توناون قونیه ولایتیده بیر مراسمده قیلگن معروضه سیده ینگی بیر مژده بیرگن لیگینی بیلدیرماقده. 

خبرده, تروریزم دن تصفیه ایتیلگن منطقه لرده ینگی پطرول کانی نینگ تاپیلگن لیگینی بیلدیرگن اردوغان نینگ, "جودی, گابارده کونده لیک 100 مینگ بیرل تولید ظرفیتی گه ایگه پطرول کانی تاپدیک.  جیزره دن 20 کیلومتر اوزاقلیکده اورین آلگن بو پطرول کانی یوقاری کیفیت گه ایگه" دییه قید ایتگن لیگی معلوم قیلینماقده. 

روزنامه, اردوغان نینگ, اوشبو پطرول کانی قودوغی گه ترورچیلر تامانیدن شهید ایتیلگن اوقیتووچی آیبوکه یالچین نینگ آتی نینگ بیریلگن لیگینی بیلدیرگن لیگینی یازماقده. 

ستار روزنامه سی, تورکیه جمهوریتی ملی مدافعه وزیری خلوصی آقر نینگ, توناون تلویزیون آرقه لی بیرگن بیاناتیده, سوریه ده ترور تشکیلاتی داعش نینگ سوزده رهبری نینگ اولدیریلگن لیگی بیلن علاقه لی, "امریکا قوشمه ایالتلری مطبوعاتیده بونینگ مهم بیر موفقیت ایکن لیگی بیلدیریلدی.  بیز هیچ بیر شکلده اشغالچی ایمس میز.  سوریه و عراق نینگ حاکمیت حق لری گه حرمتی میز.  بیز نینگ بیرته گینه هدفی میز تروریزم گه قرشی کوره ش دن عبارت" دییه قید ایتگن لیگینی ایسلتماقده. 

خبرتورک روزنامه سی, تورکیه جمهوریتی تشقی ایشلر وزیری مولود چاووش اوغلی نینگ, تورکیه نینگ مشروع مدافعه حقی دایره سیده سوریه ده آلیب بارگن عملیاتلرده, 6 ییلده 17 مینگ ترورچی نینگ یوق قیلینگن لیگینی بیلدیرگن لیگی گه دقت قره تماقده. 

حریت روزنامه سی, تورکیه جمهوریتی جمهوررئیسی رجب طیب اردوغان نینگ, تورکیه ده ایشلب چیقریلگن ملی محارب اوچاغی نینگ آتی نی قاآن قویگن لیگینی نی معلوم قیلماقده. 

خبرده, اردوغان نینگ بیانات لری گه دنیا مطبوعاتیده کینگ اورین اجره تیلگن لیگی و ترتیب لنگن مراسم نینگ "کتته بیر کوچ نمایشی" اوله راق بهالنتیریلگن لیگی ایسله تیلماقده. 

وطن روزنامه سی, تورکیه وطنداشلری نینگ ایندی ینه بیر اولکه گه ویزه سیز بیر شکلده سفر قیلیش حقی گه ایگه بولگن لیگینی بیلدیرماقده. 

خبرده, تورکیه نینگ قاهره شارژدافیری صالح موتلو شن نینگ بیرگن بیاناتیده, "تورک لر ایندی مصر گه ویزه سیز بیر شکلده سفر قیله آله دی. خیرلی بولسین" دییه قید ایتگن لیگی گه دقت قره تیلماقده.