تورکیه مطبوعاتیدن خلاصه لر 02.05.2023
تورکیه مطبوعاتیده باسیلیب چیققن خبر لرنینگ خلاصه لری
خبرتورک روزنامه سی, تورکیه جمهوریتی جمهوررئیسی رجب طیب اردوغان نینگ, تورکیه ده ایشلب چیقریلگن ملی محارب اوچاغی نینگ آتی نینگ "قاآن" بولگن لیگینی بیلدیرگن لیگینی معلوم قیلماقده.
خبرده, "قاآن یقینده اوچه دی. اوروشده رادار لر آرقه لی کورینمسدن دشمن نینگ مرکز لری گه کیریب باره دی" دییه قید ایتگن اردوغان نینگ, اوز سوز لرینی "دنیا ده بونده ی 5- نسل اوروش اوچاغی ایشلب چیقرگن 5 اولکه دن بیری بوله میز" شکلیده دوام ایتدیرگن لیگی ایسله تیلماقده.
ینی شفق روزنامه سی, تورک هواچیلیک و فضا صنایع سی مرکز لریده, "کیله جک نینگ عصری تانیتیش مراسمی" نینگ ترتیب لنگن لیگینی یازماقده.
خبرده, اوشبو مراسم دایره سیده, تورکیه ده ایشلب چیقریلگن وطنی و ملی هوا واسطه لری نینگ بیرگه اوچگن لیگی معلوم قیلینماقده.
روزنامه, اوشبو دایره ده اتاک, گوکبی و تی 70 تیک اوچرلری بیلن تعلیمی حُرقوش اوچاغی نینگ اوچگن لیگینی یازماقده.
حریت روزنامه سی, جاری ییلده دنیا نینگ اینگ کتته هواچیلیک, فضا و تکنالوژی فستیوالی دن عبارت تکنوفیست گه دنیا نینگ فرقلی منطقه لریدن جوده هم کوپ کیشی نینگ اشتراک قیلگن لیگینی بیلدیرماقده.
خبرده, 5 کونده 1 میلیون رقابت ایته دیگن کیشی دن تشقری ینه 2,5 میلیون دن آرتیق کیشی نینگ تکنوفیست نی کوریش اوچون هم کیلگن لیگی بیلدیریلماقده.
صباح روزنامه سی, تورکیه نینگ, سوریه ده ترور تشکیلاتی داعش نینگ سوزده رهبری ابو حسین القریشی نی یوق قیلیب, تروریزم گه قرشی قنده ی کوره ش آلیب باریاتگن لیگینی دنیا گه کورسه تیب بیرگن لیگینی معلوم قیلماقده.
خبرده, تورکیه جمهوریتی ملی استخبارات اداره سی نینگ, امریکا قوشمه ایالتلری نینگ داعش گه قرشی کوره ش بهانه سی بیلن ترور تشکیلاتی پ.ک.ک/وای پی جی نی قوللب- قوتلشی نینگ تکتیک بیر خطا دن عبارت ایکن لیگینی ینه بیر بار کورسه تیب بیرگن لیگی ایسله تیلماقده.
وطن روزنامه سی, اوتگن ییل نینگ خوددی شوو دوری بیلن سالیشتیریلگنده جاری ییل نینگ تورت آییده اوچاق بیلن تورکیه نینگ انتالیا شهری گه کیلگن توریست سانی نینگ 48 فایز گه آشیب 1 میلیون 798 مینگ 595 نفر گه ییتگن لیگی گه دقت قره تماقده.
خبرده, انتالیا گه اینگ کوپ توریست نینگ (446 مینگ 542 نفر) آلمان دن کیلگن لیگی بیلدیریلماقده.
روزنامه, آلمان آرتیدن ایسه اینگ کوپ توریست نینگ روسیه, انگلستان, هالند, پولند, اسرائیل, لتوانیا, ایران, بلجیم و قزاقستان دن کیلگن لیگینی معلوم قیلماقده.
