تورکیه مطبوعاتیدن خلاصه لر 26.04.2023

خبرتورک روزنامه سی, تورکیه جمهوریتی جمهوررئیسی رجب طیب اردوغان نینگ, دولت اوستین فداکارلیک مدالی توجیه مراسمیده, زلزله یوز بیرگن منطقه ده قیدیرو- قوتقرو فعالیتلری گه اشتراک قیلگن تورک و چیت ایللیک 55 مینگ کیشی گه مدال و نشان تقدیم ایتیله دیگن لیگی نی بیلدیرگن لیگینی ایسلتماقده. 

صباح روزنامه سی, تورکیه جمهوریتی ملی مدافعه وزیرلیگی تامانیدن بیریلگن بیاناتده, تورکیه-روسیه- سوریه- ایران آره سیده گی تورت تامانلمه ییغیلیشده, تورکیه بیلن سوریه اورته سیده گی مناسبت لرنینگ عادی بیر وضعیت گه کیتیریلیشی اوچون تشله نه دیگن انیق قدم لر و سوریه لیک مهاجر لرنینگ اوز یورت لری گه قیتریب یوباریلیشی بوییچه فعالیت لرنینگ جدللشتیریلیشی باره سیده بحث ایتیلگن لیگی نینگ بیلدیریلگن لیگینی معلوم قیلماقده. 

ستار روزنامه سی, جمهوررئیس اردوغان نینگ, حر جت بیلن علاقه لی اجتماعی ترماق آرقه لی ترقتگن پیامیده, "وطنی میزده ایشلب چیقریلگن سوپرسونیک جت اوچاغی میز حر جت ایلک اوچیشی نی موفقیت بیلن عملگه آشیردی. الله گه شکر, تورکیه عصری گه ارمغان بولسین" دییه قید ایتگن لیگینی یازماقده. 

ینی شفق روزنامه سی, یاز موسمی نینگ باشله شی بیلن بیرگه اوروپا اولکه لریدن کوپلب توریست نینگ تورکیه گه کیله باشله گن لیگی گه دقت قره تماقده. 

خبرده, توریست لرنینگ اینگ کوپ آنتالیا نی ترجیح ایتیاتگن لیگی بیلدیریلرایکن, قویاش, کینگ قوم قیرغاقلر, تازه هوا و اوروپا گه یقین ایکن لیگی سببلی سیاح لر تامانیدن تورکیه نینگ ترجیح ایتیلیاتگن لیگی بیلدیریلماقده. 

حریت روزنامه سی, استانبول هوا قونلغه سی نینگ مارچ آییده کونده لیک اورته چه بیر مینگ 263 اوچیش بیلن هیترو لندن دن اوتیب کیتیب اوروپا نینگ اینگ مزدحم هوا قونلغه سی بولگن لیگی نی یازماقده.