تورکیه مطبوعاتیدن خلاصه لر 25.04.2023

ستار روزنامه سی, تورکیه جمهوریتی جمهوررئیسی رجب طیب اردوغان نینگ, توناون تورکیه نینگ بورسا ولایتی گملیک تومنی ده SIRO بطری ایشلب چیقریش مرکزی نینگ تهدابینی قوییش مراسمیده معروضه قیلگن لیگینی بیلدیرماقده. 

خبرده, جمهوررئیس اردوغان نینگ, "تورکیه نی برقی موتر لر بیلن بیرگه بطری تکنالوژی لریده هم اوروپا نینگ تولید مرکزی گه ایلنتیریش اوچون سعی و حرکت قیلماقده میز" دییه قید ایتگن لیگی ایسله تیلماقده. 

حریت روزنامه سی, تورکیه جمهوریتی تشقی ایشلر وزیری مولود چاووش اوغلی نینگ, امریکا قوشمه ایالتلری دولت رهبری جو بایدن نینگ میلادی 1915- ییلی حادثه لری بیلن علاقه لی بیاناتلری گه عکس العمل کورستگن لیگینی معلوم قیلماقده. 

خبرده, چاووش اوغلی نینگ, "تاریخی حقیقت لرنی اوزگرتیریش گه حرکت قیلیاتگن سیاسی الداقچی لر ینه فعالیت گه باشله دی" دییه قید ایتگن لیگی بیلدیریلماقده. 

صباح روزنامه سی, تورکیه جمهوریتی بویوک ملت مجلسی نینگ باشلیغی مصطفی شنتوپ نینگ, جنوبی قبرس روم رهبریتی مجلس باشلیغی آنتا دیمیتریوم نینگ, اوروپا اتفاقی پارلمان باشلیق لری ییغیلیشیده گی قبرس بیلن علاقه لی تحریک لری گه قرشی عکس العمل کورستگن لیگینی یازماقده. 

خبرده, دیمیتیریوم نینگ, قبرس تینچلیک عملیاتینی "اشغال" اوله راق بهالنتیریشی آرتیدن گپیرگن شنتوپ نینگ, "تورکیه نینگ میلادی 1974- ییلده قبرس گه قیلگن مداخله سی نی روسیه نینگ اوکراین نی اشغال ایتیشی گه اوخشه تیش, حقیقت لرنی ساده بیر شکلده اوزگرتیریش دن عبارت" دییه قید ایتگن لیگی معلوم قیلینماقده. 

ینی شفق روزنامه سی, تورکیه قوراللی کوچلری گه تاپشیریلگن تورکیه نینگ ینگی آلتای تانکی گه دنیا مطبوعاتیده هم کینگ اورین اجره تیلگن لیگینی بیلدیرماقده. 

خبرده, ترقه تیلگن خبرلرده اوشبو تانک نینگ تورکیه قوراللی کوچلرینی کوچه یتیره دیگن لیگی نینگ بیلدیریلگن لیگی ایسله تیلماقده. 

روزنامه, آلتای نینگ محاربه قابلیتی نینگ, ایلغار تکنالوژی لر بیلن مدرن لشتیریلگن لیگینی یازماقده. 

خبرتورک روزنامه سی, استانبول هوا قونلغه سی نینگ, اوتگن کون 1548 اوچیش و 224 مینگ 709 یولاوچیسی بیلن آچیلگن کوندن بیری اینگ یوقاری کونده لیک اوچیش و یولاوچی سانی گه ایگه بولگن لیگی گه دقت قره تماقده.