تورکیه مطبوعاتیدن خلاصه لر 24.04.2023

ینی شفق روزنامه سی, تورکیه جمهوریتی بویوک ملت مجلسی نینگ آچیلیشی نینگ 103 ییللیگی و 23- اپریل ملی حاکمیت و باله لر بیره می نینگ تورکیه ده قیزغین کوتیب آلینگن لیگینی بیلدیرماقده. 

خبرده, 81 شهرده اوشبو بیره م مناسبتی بیلن مراسملر بولیب اوتگن لیگی گه دقت قره تیلماقده. 

روزنامه, خوددی شوو بیره م نینگ یکشنبه کونی و رمضان هییت بیره می بیلن بیرکونده بولگن لیگی سببلی توناون باشله گن مراسم لرنینگ جاری هفته ده هم دوام ایته دیگن لیگینی معلوم قیلماقده. 

خبرتورک روزنامه سی, دنیا نینگ ایلک قوراللی اوچووچیسیز اوچاق کیمه سی تی سی جی انادولو نینگ, 23- اپریل ملی حاکمیت و باله لر بیره میده استانبول تنگه سیدن اوتگن لیگینی یازماقده. 

خبرده, استانبول تنگه سیدن اوتیاتگن پیتده تورکیه جمهوریتی جمهوررئیسی رجب طیب اردوغان گه سلام بیریلگن کیمه دن 21 توپ آتیلگن لیگی ایسله تیلماقده. 

صباح روزنامه سی, جمهوررئیس اردوغان نینگ, اینگ کتته آرزوسی بولگن تی سی جی انادولو پروژه سینی عملگه آشیرگن لیکلرینی بیلدیرگن لیگی گه دقت قره تماقده. 

خبرده, کیینگی هدف نینگ تی سی جی انادولو دن هم کتته بیر کیمه ایشلب چیقریش دن عبارت ایکن لیگینی بیلدیرگن اردوغان نینگ, "اوشبو توغریده اسپانیالیک لر و انگلیس لر بیلن اوچره شوو لر اوتکزدیم.  اوچره شوو لر نتیجه سیده ایکله تاماندن هم ایجابی جوابلر آلدیک" دییه قید ایتگن لیگی معلوم قیلینماقده. 

ستار روزنامه سی, آلمانلیک سیاستچی و یازوچی کریستوف هورستل نینگ, تورکیه نینگ ایرکین سیاست لرینی مثال قیلیب کورستگن لیگینی بیلدیرماقده. 

خبرده, آلمان نینگ هم واشنگتن گه باغلیق بولیب قالمس لیگی اوچون تورکیه بیلن بیر خیل سیاست آلیب باریشی کیره ک ایکن لیگینی بیلدیرگن هورستل نینگ,اوروپا نی توغری یول گه سالیب قویه دیگن رهبر نینگ جمهوررئیس اردوغان ایکن لیگینی معلوم قیلگن لیگی ایسله تیلماقده. 

حریت روزنامه سی, دنیا نینگ کوپلب اولکه لری گه صادر قیلینگن, اوروش و تینچلیکده ایش بجره آله دیگن تورکیه نینگ قوراللی اوچووچیسیز اوچاق لری گه ایندی امریکا مطبوعاتیده هم کینگ اورین اجره تیلگن لیگینی یازماقده. 

خبرده, تورک مدافعه صنایع سی نینگ اینگ مهم شرکت لری دن بیری بولگن بایکار تامانیدن ایشلب چیقریلگن اوچووچیسیز اوچاق لر حقیده بحث ایتگن فوربیس مجله سی نینگ, دقت گه سزاوار بیر تحلیلی مقاله ترقه تگن لیگی ایسله تیلماقده. 

روزنامه, فوربیس نینگ, "تورک اوچووچیسیز اوچاق صنایع سی اهمیتی اوتگن ییللر دوامیده دنیا نینگ اونلب اولکه سی تامانیدن طلب ایتیلگن بایکار تی بی 2  اوچووچیسیز اوچاق لر بیلن انچه آرتیب کیتدی" دییه قید ایتگن لیگینی ایسلتماقده.