تورکیه نینگ مطبوعات خلاصه لری

وطن گزیته سی: " ایردوغان نینگ سوزلری یونان ده عکس ایتدی: تورکیه هسته ای کوچ بوله دی " سرلوحه سی بیلن خبر بیره دی.

خبرگه کوره یونان نینگ اینگ بویوک گزیته سی بولمیش کتهیمرینی "تورکیه هسته ای کوچ بوله دی" سرلوحه سی بیلن جمهور باشلیغی رجب طیب ایردوغان نینگ "تورکیه دنیا مقیاسیده اینگ مهم هسته ای کوچلردن بیرته سی بوله دی. تورکیه عصری عیندمده انرژی نینگ عصری بوله دی" دیگن سوزلریگه دقت تارتدی.   

صباح گزیته سی: مدافعه وزیری آقر اوکراینلیک وزیرنینگ خذمتی گه توگ موتر قویدی" سرلوحه سی بیلن خبر بیره دی.

خبرگه کوره ملی مدافعه وزیری خلوصی آقر اوکراین آست قوریش وزیری اولکساندر کوبراکوف گه قیصاری سفری جریانیده تورکیه نینگ ایلک وطنی و ملی اتوموبیلی توگ نی خذمتی گه قویدی.  

یینی شفق گزیته سی: بیوتکنالوجیک سرطان کسل لیگی فعالیتی آلیب باریله دی" سرلوحه سی بیلن خبر بیره دی.

خبرگه کوره کوجه ایلی گبزه ده توبیتاک واکسین و داری ایشلب چیقریش مرکزی نینگ آچیلیشیده سوزگه چیققن صنایع و تکنالوجی وزیری مصطفی ورنک "مرکزده بیوتکنالوجی داری و واکسینلر، سرطان کسللیگی فعالیتلری آلیب باریله دی، سینش حیوانلری آرقه لی تیستلر آلیب باریله دی" دیدی.

حریت گزیته سی: " قاره اسماعیل اوغلی: استانبول قونلغه لریده یولاوچی سانی 38 فایز آرتدی" سرلوحه سی بیلن خبر بیره دی.

خبرگه کوره ترانسپورت و آست قوریش وزیری عادل قاره اسماعیل اوغلی "استانبول قونلغه لریده یولاوچی سانی 38 فایز آرتدی. جاری ییل نینگ ایلک 3 آییده استانبول قونلغه سی 16،5 میلیون، صبیحه گوکچن قونلغه سی 7،9 میلیون یولاوچی گه میزبانلیک قیلدی" دیدی.

ستار گزیته سی: "استانبول اروپا مقیاسیده اینگ کوپ اویین کیلیشووی قول قوییلگن ایککینچی شهر بولدی" سرلوحه سی بیلن خبر بیره دی.

خبرگه کوره تورکیه ده 2022 ییلی 23 اویین شرکتی گه توپلم 424،7 میلیون دالرلیک سرمایه کیریتیلدی. استانبول لندن نینگ آرتیدن اروپا مقیاسیده اینگ کوپ اویین کیلیشووی قول قوییلگن ایککینچی شهر بولدی. دنیا مقیاسیده ایسه 5 – اوریننی ایگلله دی.