تورکیه نینگ مطبوعات خلاصه لری

ستار گزیته سی: " تورکیه دن مصر بیلن علاقه لی بیانات بیریلدی " سرلوحه سی بیلن خبر بیره دی.

خبرگه کوره مصر تشقی ایشلر وزیری سمیح شکوری بیلن مشترک مطبوعاتی کنفرانسده صحبت قیلگن تشقی ایشلر وزیری مولود چاووش اوغلی "بیز مصر بیلن آچگن ینگی صحیفه نی مشترک پروژه لر و یوتوقلی حکایه لر بیلن تولدیرماقچی میز" دیدی.   

وطن گزیته سی: صنایع و تکنالوجی وزیری ورنک: توگ TOGG نی اروپانینگ جاده لریده هم کوریش گه باشله یمیز " سرلوحه سی بیلن خبر بیره دی.

خبرگه کوره صنایع و تکنالوجی وزیری مصطفی ورنک تیناون کونی بیرگن بیاناتده " توگ TOGG تورکیه نینگ ظرفیتینی دنیاگه عکس ایتتیرگن بیر پروزه دیر توگ نی اروپانینگ جاده لریده هم کوریش گه باشله یمیز" دیدی.

خبرتورک گزیته سی: ییل نینگ دستلبکی کروازیری 450 یولاوچیسی بیلن مرمریس گه ییتیب کیلدی" سرلوحه سی بیلن خبر بیره دی.

خبرگه کوره بهاما بیراقلی لوکس "سیلفر سپرایت" آتیده گی کروازیر موغلانینگ مرمریس تومنی گه ییتیب کیلدی. کیمه ده کوپراغی امریکا قوشمه ایالتلری و انگلیس تبعه سی 450 ته یولاوچیسی و 400 پرسونل بارلیگی بیلدیریلدی.

صباح گزیته سی: "تورکیه نینگ کییم و نساجی صادراتی 5،2 میلیارد دالر بولدی" سرلوحه سی بیلن خبر بیره دی.

خبرگه کوره کییم و نساجی سکتوری نینگ جاری ییل نینگ ایلک چاره گیده صادراتی 5،2 میلیارد دالر بولدی.

حریت گزیته سی: بیشیکتاش بیلن اتلتیکو مادرید دوستلیک اوچره شووی اسپانیاده کینگ عکس ایتدی  " سرلوحه سی بیلن خبر بیره دی.

خبرگه کوره بیشیکتاش بیلن اتلتیکو مادرید جماعه لری اورته سیده آلدینگی کونی اجرا ایتیلگن و برچه عایدلری ییر سیلکینیشیدن تاثیرلنگنلرگه بیریله دیگن دوستلیک اوچره شووی اسپانیا میدیاسیده کینگ عکس ایتدی. اولکه نینگ بعضی بیر گزیته لری خبرلریده "ییر سیلکینیشیدن تاثیرلنگنلر اوچون بولگن ریجه تقدیر ایتیش گه سزاوار ایدی"، "فوتبال بونینگ اوچون دیر"، "بیشیکتاش و اتلتیکودن بویوک بیردملیک" افاده لریگه اورین بیریلدی.