تورکیه نینگ مطبوعات خلاصه لری

صباح گزیته سی: " ایردوغان نینگ سوزلری دنیانینگ کون ترتیبیده " سرلوحه سی بیلن خبر بیره دی.

خبرگه کوره 14 می جمهور رئیسلیک و ملت وکیللیک سیلاوی دنیانینگ کون ترتیبیده اورین آلماقده. جمهور باشلیغی رجب طیب ایردوغان تامانیدن اعلان قیلینگن عدالت و ترقیات حزبی نینگ سیلاو بیان نامه سی دنیا مطبوعاتیده سرلوحه لرده اورین آلدی. بلومبرگ ایردوغان نینگ سیلاودن کیین اوچون نقل بیرگن لیگینی معلوم قیلرکن بی بی سی ایردوغان نینگ ینگی وعده لر بیرگن لیگینی یازدی.   

ستار گزیته سی: تورکیه دنیاده بیر بیرینچینی عملگه آشیرگن بوله دی " سرلوحه سی بیلن خبر بیره دی.

خبرگه کوره تورکیه نینگ 50 ته درون نی TCG اناطولی گه جایلشتیریب دنیا مقیاسیده بیر بیرینچینی عملگه آشیره جگینی یازگن انگلیس میدیاسی تورکیه دینگیز کوچلری تاریخی گه هم بیر ینگیلیک کیریتیش گه تیارگرلیک کورماقده" دیب ایتدی.   

وطن گزیته سی: توگ تورک عالمی نینگ یوراگیده" سرلوحه سی بیلن خبر بیره دی.

خبرگه کوره اولان جمهور باشلیغی رجب طیب ایردوغان بیلن تورموش اورتاغی امینه ایردوغان گه تسلیم بیریلگن تورکیه نینگ ایلک برقی اتوموبیلی توگ آذربایجان نینگ آرتیدن تورک عالمی نینگ قلبی اوزبیکستان گه ییتیب باردی.    

یینی شفق گزیته سی: "راکتسان سونگگی تکنالوجی محصوللری بیلن برازیلده" سرلوحه سی بیلن خبر بیره دی.

خبرگه کوره راکتسان لاتین امریکا منطقه سیده گی اینگ مهم مدافعه صنایعی و خوفسیزلیک صنایع پروگراملریدن LAAD مدافعه و خوفسیزلیک کورگزمه سیگه قتنشه دی.  

حریت گزیته سی: ایرسوی: اینگ کوپ سیاح کیلگن 3- اولکه بولیش گه موفق بولدیک  " سرلوحه سی بیلن خبر بیره دی.

خبرگه کوره توریزم و مدنیت وزیری محمد نوری ایرسوی خلق ارا شرقی اورته ییر دینگیزی توریزم کورگزمه سی EMITT نینگ آچیلیش پروگرامیده تورکیه توریزمی نینگ کسللیک پیتیدن چیقیش پیتیده بویوک یوتوق عملگه آشیرگن لیگینی معلوم قیلیب "بیز اینگ کوپ سیاح کیلگن 3- اولکه بولیش گه موفق بولدیک " دیدی.