تورکیه مطبوعاتیدن خلاصه لر 12.04.2023

خبرتورک روزنامه سی, تورکیه جمهوریتی جمهوررئیسی رجب طیب اردوغان نینگ, عدالت و رواجله نیش حزبی نینگ سیلاو مانیفستی نی اعلان قیلگن لیگینی بیلدیرماقده. 

خبرده, اوشبو مانیفستده جاری ییلده هم جولای آییده اینگ آز معاش آله دیگن کیشی لرنینگ معاش لری نینگ کوپه یتیریله دیگن لیگی نینگ بیلدیریلگن لیگی معلوم قیلینماقده. 

روزنامه, اوشبو مانیفستده ایندی اویله نه دیگن یاشلر گه فایزسیز قرضه بیریله دیگن لیگی نینگ معلوم قیلینگن لیگی گه دقت قره تماقده. 

خبرده, عینی دمده اوشبو مانیفستده ایشسیز عیاللر اوچون تقاعد امکانیتی تامین ایتیله دیگن لیگی و میلادی 2028- ییلده تورکیه نینگ صادرات میزانی نینگ کمیده 400 میلیارد دالر گه آشه دیگن لیگی نینگ بیلدیریلگن لیگی ایسله تیلماقده. 

ینی شفق روزنامه سی, جمهوررئیس اردوغان نینگ, تورکیه نینگ اقتصادی کوچینی سرمایه گذارلیک, ایش بیلن تامینلش, ایشلب چیقریش, صادرات و جاری حساب نینگ آرتیریلیشی آرقه لی آرتیریش گه دوام ایته دیگن لیکلرینی معلوم قیلگن لیگینی یازماقده. 

خبرده, ایشلیاتگن کیشی لرنینگ معاش لرینی هردایم تورم دن آرتیغراق آرتیریب, رفاه سویه لرینی یوقاری پاغانه لر گه کوتره دیگن لیکلرینی بیلدیرگن اردوغان نینگ, "5 ییلده 6 میلیون ینگی استخدام امکانیتی تامین ایتیب, ایشسیزلیک میزانی نی 7 فایز گه توشیره میز" دییه قید ایتگن لیگی بیلدیریلماقده. 

حریت روزنامه سی, تورکیه جمهوریتی اطراف- محیط, شهرچیلیک و اقلیم اوزگریشی وزیری مراد قوروم نینگ, تورکیه ده 6- فبروری کونی یوز بیرگن زلزله ده ویران بولگن اوی لر اورنیگه ینگی لری نینگ قوریله دیگن لیگی بوییچه وعده بیرگن لیکلرینی معلوم قیلرایکن, "11 ولایت اوچون وعده میز گه وفا قیله میز" دییه قید ایتگن لیگینی بیلدیرماقده. 

خبرده, قوروم نینگ 21- اپریل کونی باشله یدیگن رمضان بیره می ده زلزله دن تاثیرلنگن منطقه لرده گی ایلک اوی لرنینگ تاپشیریله دیگن لیگینی بیلدیرگن لیگی معلوم قیلینماقده. 

ستار روزنامه سی, دنیا نینگ ایلک قوراللی اوچووچیسیز اوچاق کیمه سی و تورکیه نینگ اینگ کتته حربی کیمه سی دن عبارت تی سی جی انادولو نینگ, دنیا مطبوعاتیده کینگ اورین ایگلله گن لیگینی یازماقده. 

خبرده, اوشبو موضوع بوییچه خبر لرنینگ بلومبرگ ده "اردوغان حربی کوچینی کورسه تیب بیردی",  گالف نیوزده "تی سی جی انادولو, اوچووچیسیز اوچاقلر بوییچه قابلیت لرینی کورستماقده", بروسل تایمزده "تورکیه نینگ ایلک محارب اوچووچیسیز اوچاق تشووچی کیمه سی استفاده ایتیله باشلندی" و میدل ایست آی ده ایسه "مونچه سینی اویله مه گن ایدیک" عنوانی بیلن ترقه تیلگن لیگی گه دقت قره تیلماقده. 

وطن روزنامه سی, میلادی 2022- ییلده 23- اپریل گه قدر تورکیه نینگ توریزم مرکزی دن عبارت آنتالیا گه 1 میلیون توریست نینگ کیلگن لیگینی معلوم قیلماقده. 

خبرده, اوتگن ییل نینگ خوددی شوو دوری بیلن سالیشتیریلگنده جاری ییلده ایسه کونده 100 اوچاق نینگ کیلیاتگن آنتالیا گه حاضرگی کون گه قدر کیلگن توریست سانی نینگ 60 فایز گه آشیب 1 میلیون 72 مینگ 742 نفر گه ییتگن لیگی ایسله تیلماقده. 

روزنامه, توریزم تاریخیده آنتالیا گه اینگ کوپ جاری ییل جنوری, فبروری, مارچ و اپریل آی لریده توریست کیلگن لیگینی بیلدیرماقده. 

خبرده, آنتالیا گه 17 میلیون توریست نینگ کیلیشی نینگ کوتیلیاتگن لیگی گه دقت قره تیلماقده.