تورکیه مطبوعاتیدن خلاصه لر 11.04.2023

صباح روزنامه سی, تورکیه جمهوریتی جمهوررئیسی رجب طیب اردوغان نینگ, توناون تورکیه نینگ اینگ کتته حربی کیمه سی دن عبارت تی سی جی انادولو نینگ تورکیه دینگیز کوچلری قوماندانلیگی گه تاپشیریلیشی بوییچه بولیب اوتگن مراسمده معروضه قیلگن لیگینی بیلدیرماقده. 

خبرده, اردوغان نینگ اوشبو صحبتیده, "تورکیه نینگ اوز کیمه سی نی دیزاین ایتگن, رواجلنتیرگن, ایشلب چیقرگن و اوشبو ایشنی دوام ایتدیریاتگن 10 اولکه دن بیری ایکن لیگی, قوریق بیر شعار ایمس, بلکه فخرله نه دیگن بیر موفقیتدن عبارت" دییه قید ایتگن لیگی معلوم قیلینماقده. 

وطن روزنامه سی, دینگیز کوچلری قوماندانلیگی گه تاپشیریلگن تورکیه ده ایشلب چیقریلگن تی سی جی انادولو ناملی حربی کیمه حقیده گپیرگن تورکیه جمهوریتی ملی مدافعه وزیری خلوصی آقر نینگ, اوشبو کیمه نینگ تورکیه نینگ کوچینی ینه ده آرتیره دیگن لیگینی بیلدیرگن لیگینی یازماقده. 

ستار روزنامه سی, تورکیه جمهوریتی صنایع و تکنالوژی وزیری مصطفی وارانک نینگ, تورکیه نینگ, اوزی تامانیدن ایشلب چیقریلگن ایلک صنعی یولداش دن عبارت İMECE دن فایده له نیب دنیا نینگ هر تامانیدن خواهله گن تصویر نی آلیشی نینگ ممکن ایکن لیگینی بیلدیرگن لیگینی ایسلتماقده. 

خبرده, وارانک نینگ, "عینی دمده İMECE تورک اردوسی نینگ فضاده گی کوزی دن عبارت بوله دی" دییه قید ایتگن لیگی معلوم قیلینماقده. 

حریت روزنامه سی, تورکیه جمهوریتی تشقی ایشلر وزیری مولود چاووش اوغلی نینگ, توناون اشتراک ایتگن بیر جانلی نشراتده قیلگن صحبتیده, سوریه بیلن علاقه لی 4 تامانلمه ییغیلیش نینگ می آیی نینگ دستلبکی کونلریده مسکوده بولیب اوتیشی نینگ ممکن ایکن لیگینی بیلدیرگن لیگی گه دقت قره تماقده. 

خبرتورک روزنامه سی, شرقی قاره دینگیز دن جنوری بیلن مارچ آیلری آره سیده قیلینگن تورک سالمونی بلیغی صادراتی نینگ 354 فایز گه آشیب 23 میلیون 72 مینگ 751 دالر گه ییتگن لیگینی بیلدیرماقده.