تورکیه مطبوعاتیدن خلاصه لر 07.03.2023

حریت روزنامه سی, تورکیه جمهوریتی جمهوررئیسی رجب طیب اردوغان نینگ, کابینه ییغیلیشی آرتیدن بیرگن بیاناتیده, سیلاو لرنینگ 14- می کونی بولیب اوته دیگن لیگینی ینه بیر بار ایسله تیب اوترایکن, "10- مارچ کونی اساسی قانون نینگ بیرگن صلاحیت دایره سیده سیلاو بوییچه قیلینه دیگن قرارنینگ بیر کون کیین رسمی روزنامه ده نشر ایتیلیشی بوییچه پروسه نی باشله ته میز" دییه قید ایتگن لیگینی بیلدیرماقده. 

خبرتورک روزنامه سی, جمهوریت خلق, یخشی, دموکرات, سعادت, دموکراسی و تشبث و کیله جک حزب لری رهبر لری نینگ اورین آلگن ملت اتفاقی نینگ جمهوررئیسلیک کاندیدی نینگ جمهوریت خلق حزبی نینگ رهبری کمال قلیچداراوغلی بولگن لیگی نی یازماقده. 

خبرده, قلیچداراوغلی نینگ جمهوررئیس ایتیب سیله نیشی تقدیرده, 5 حزب نینگ رهبری نینگ ایسه جمهوررئیس اورینباسر لری بوله دیگن لیک لری بیلدیریلماقده. 

ینی شفق روزنامه سی, دنیا نینگ اینگ مهم خفیفه سلاح ایشلب چیقاروچی لری دن بیری بولگن CANiK نینگ, آلمان نینگ نورنبرگ شهریده بولیب اوتگن Enforce Tac مدافعه و خوفسیزلیک جهاز لری کورگزمه سیده اینگ قیزیق محصولاتی نی کورسه تیب بیرگن لیگی گه دقت قره تماقده. 

خبرده, CANiK نینگ غرفه سی گه قیزیقیش نینگ جوده کتته بولگن لیگی معلوم قیلینماقده. 

صباح روزنامه سی, ایش لری تاو شرکتی تامانیدن یوریتیلیاتگن انقره ایسن بوغه, اسکوپیه و زاگرب هوا قونلغه لری نینگ, خلق ارا هوا قونلغه لری کینگشی تامانیدن, "اینگ یخشی هوا قونلغه سی" ساورینی گه سزاوار دیب تاپیلگن لیگینی یازماقده. 

ستار روزنامه سی, تورکیه سیاحت آژانس لری بیرلیگی رهبرلیک کینگشی باشلیغی فیروز باغلی قایا نینگ, توریست لر نینگ تورکیه گه قیزیقیشی نینگ جوده کتته ایکن لیگی نی بیلدیررایکن, "اوروپا ده اینگ کوپ آلمان, روسیه, انگلستان, پولند و هالندلیک سیاح لردن طلب کیلماقده" دییه قید ایتگن لیگینی ایسلتماقده.