تورکیه نینگ مطبوعات خلاصه لری

حریت گزیته سی: " جمهورباشلیغی ایردوغان آدی یمانده بیانات بیردی" سرلوحه سی بیلن خبر بیردی.

خبرگه کوره جمهور باشلیغی رجب طیب ایردوغان مرکزی قهرمانمره ش بولمیش ییر قیمیرلشلردن کیین آدی یمان گه سفر اویوشتیردی. بو جایده قیلگن صحبتیده ایردوغان "دنیاده بونقه کینگ ساحه ده کوپلب نفوس گه تاثیر قالدیرگن بویوک فلاکت گه دوچ قالیب بیز قدر تیز اوزیگه کیلگن باشقه اولکه بولمه گن دیر" دیب ایتدی.   

خبرتورک گزیته سی: " تشقی ایشلر وزیری چاووش اوغلی مصرلیک کسبداشی شکوری بیلن آداناده اوچره شدی " سرلوحه سی بیلن خبر بیردی.

خبرگه کوره، تشقی ایشلر وزیری مولود چاووش اوغلی مصر تشقی ایشلر وزیری سمیح شکوری بیلن تیناون کونی اوچره شدی. چاووش اوغلی "تورکیه بیلن مصر اورته سیده گی مناسبتلرنینگ رواجلنیشی ایککی تامان نینگ هم فایده سیده دیر" دیدی.   

صباح گزیته سی:" تورک خلقی نینگ کوچی دنیانینگ سرلوحه سیده " سرلوحه سی بیلن خبر بیردی.

خبرگه کوره تیناون کونی ملاتیاده یوزبیرگن ییر قیمیرلش نینگ آرتیدن دنیا سرلوحه سیده ینه تورکیه اورین آلدی. کوپلب خلق ارا خبر آژانسی تورکیه نینگ ینگی بیر ییر قیمیرلش بیلن لرزه قیلگن لیگینی معلوم قیلیب تورک خلقی نینگ یوزبیرگن برچه فلاکتلرگه بناً امیدینی قولدن بیرمه گن لیگینی و کوچکیلرنینگ آره سیده هم نفس آلیش گه دوام ایتگن لیگینی افاده ایتدی.  

ستار گزیته سی: " بیرلشگن ملتلر تشکیلاتی انسان حقلری کینگشی جلسه سی ییر قیمیرلش حادثه لریده حیاتینی یوقاتگنلر اوچون حرمت توختاوی بیلن باشله دی" سرلوحه سی بیلن خبر بیردی.

خبرگه کوره، بیرلشگن ملتلر تشکیلاتی انسان حقلری کینگشی نینگ تیناون کونی بولیب اوتگن 52- جلسه سی 6 فبروریده یوزبیرگن مرکزی قهرمانمره ش بولمیش ییر قیمیرلش حادثه لریده تورکیه و سوریه ده حیاتینی یوقاتگنلر اوچون حرمت توختاوی بیلن باشله دی.

یینی شفق گزیته سی:" تورکیه استاتیستیک باشقرووی تشقی تجارت استاتیستیکلرینی اعلان قیلدی " سرلوحه سی بیلن خبر بیردی.

خبرگه کوره تورکیه استاتستیک باشقرووی 2023 ییلی جنوری آییده صادرات نینگ اوتگن ییل نینگ خوددی شوو آییگه کوره 10،3 فایز کوپه یگن لیگینی اعلان قیلدی.