تورکیه نینگ مطبوعات خلاصه لری

یینی شفق گزیته سی: " ایردوغان: شهرلریمیزنی قیته تیکله یمیز" سرلوحه سی بیلن خبر بیردی.

خبرگه کوره جمهورباشلیغی رجب طیب ایردوغان ییر قیمیرلش حادثه سیدن سلبی تاثیرلنگن هاتای ولایتیده تیکشیروو اوتکزدی. ایردوغان شهرلرنینگ برچه سینی اوی – جای، ایش جایی، صنایعی، زراعت، تاریخی و مدنی بایلیکلری بیلن قیته دن تیکلشلرینی بیلدیردی. ایردوغان "هیچ بیر وطنداشیمیزنینگ حیاتینی تکرار توزه تیب آلیشی و کیله جگینی بنا قیلیش اورونیشیده اصلا یالغیز قویمه یمیز " دیدی.

صباح گزیته سی: " تورکلر تیز اوزینی ییغیب آله دی " سرلوحه سی بیلن خبر بیردی.

خبرگه کوره، مرکزی قهرمانمره شده بولمیش ییرقیمیرلشلرنینگ آرتیدن خلق ارا یاردملر اوزلیکسیز دوام ایتماقده. یاردم ایتیب تورگن چیت ایللیکلر تورکیه نینگ تیزده اوزینی ییغیب آلیشینی همده تورک خلقی نینگ مهمان نوازلیگینی تقدیر ایتماقده. پاکستاندن کیلگن الخدمت واقفی خادملریدن سرفراز شیخ تورکلرده تیزده اوزینی ییغیب آلیش استعدادی بار" دیدی. 

ستار گزیته سی:" یوناندن اروپا بیرلیگی گه تورکیه بیلن تیگیشلی چقیریق " سرلوحه سی بیلن خبر بیردی.

خبرگه کوره یونان تشقی ایشلر وزیری نیکوس دندیئاس اروپا بیرلیگی اوله راق تورکیه گه یاردم بیریلیشی کیره ک لیگینی بیلدیردی. دندیئاس مرکزی قهرمانمره شده بولمیش ییر قیمیرلش بیلن تیگیشلی "ایلک مرته کوریلگن جوده بویوک بیر فلاکت بار. انچه بویوک یاردم و کمک کیره ک" دیدی.

حریت گزیته سی: " چاووش اوغلی:ف-16 جریانی نینگ تیزده نتیجه گه باریشی ایککی تامان نینگ منفعتیده دیر" سرلوحه سی بیلن خبر بیردی.

خبرگه کوره، تشقی ایشلر وزیری مولود چاووش اوغلی امریکالیک کسبداشی بلینکن بیلن پایتخت انقره ده مشترک مطبوعاتی کنفرانس اویوشتیردی. چاووش اوغلی ف-16 حربی اوچاغی تداریکی توغریسیده امریکا قوشمه ایالتلری باشقرووی نینگ طلب گه اولیملی کمک بیرگن لیگینی معلوم قیلدی و جریان نینگ تیزده نتیجه گه باریشی نینگ ایککی تامان نینگ منفعتی گه بوله جگی گه دقت تارتدی.            

وطن گزیته سی:" استانبول قونلغه سی اروپاده تیپه ده " سرلوحه سی بیلن خبر بیردی.

خبرگه کوره استانبول قونلغه سی 13-19 فبروریده کونده لیک 1 مینگ 280 اوچیش بیلن اروپا مقیاسیده اینگ گاوجوم قونلغه بولدی. استانبول قونلغه سی نینگ آرتیدن کونده لیک اورته چه 1 مینگ 152 اوچیش بیلن لندن هیترو قونلغه سی ایککینچی، پاریس چارلیس دی گل قونلغه سی 1 مینگ 121 اوچیش بیلن اوچونچی امستردام قونلغه سی 1 مینگ 51 اوچیش بیلن تورتینچی مادرید قونلغه سی 993 اوچیش بیلن بیشینچی اورینده توردی.