تورکیه نینگ مطبوعات خلاصه لری

تورکیه نینگ مطبوعات خلاصه لری

یینی شفق گزیته سی: "تورکیه بیر یوراک بولدی" سرلوحه سی بیلن خبر بیردی.

خبرگه کوره تورکیه عصرنینگ فلاکتی نینگ یاره لریگه مرحم بولیش اوچون بیر یوراک بولدی.

تلیویزیون کاناللری آرقه لی آلیب باریلگن تورکیه بیر یوراک کمپاینی گه 115 میلیارددن آرتیق لیره ییغیشتیریلدی.

خبرتورک گزیته سی: بخشیش ریکوردی" سرلوحه سی بیلن خبر بیردی.

خبرگه کوره، تورکیه نینگ یوراگیده چقور یاره قیلگن سونگگی عصرنینگ ییرقیمیرلش فلاکتی یوزبیرگن شو کونلرده برچه تلویزیون کاناللری یاردم اوچون مشترک نشرات بیردی. صنعت، تجارت و سپورت عالمی نینگ تنیقلی سیمالری و خلق زلزله دن تاثیرلنگنلرگه یاردم بیردی. اینگ کوپ یاردمنی 30 میلیارد لیره بیلن مرکز بانک بیردی. بخشیش مقداری 115 میلیارد 146 میلیون 528 مینگ لیره، آتیلگن اس ام اس ایسه 9 میلیون 10 مینگ گه ییتدی.

صباح گزیته سی: ینگی بنالرکه مارچ اییده باشلنه دی" سرلوحه سی بیلن خبر بیردی.

خبرگه کوره مرکزی قهرمانمره ش بولمیش ییرقیمیرلشده اون مینگلب تلفات قاله ویرسه مینگلب اوی – جای و ایش جایی یوقه لیب کیتدی. دنیا عصرنینگ فلاکتی ایتیب اته گن آفت نینگ آرتیدن جمهور باشلیغی رجب طیب ایردوغان نینگ بویروغی بیلن منطقه ده ینگی بنالرنینگ ساختمانی گه مارچ آییده باشلنه دی.

ستارگزیته سی: اوکراینلیک گروپ زلزله منطقه سیده" سرلوحه سی بیلن خبر بیردی.

خبرگه کوره تورکیه ده گی ییرقیمیرلشلرنینگ آرتیدن دنیانینگ تورت بورچه گیدن قیدیروو قوتقرووچیلر کیلیب فعالیتلرگه قتنشماقده. اوکراین قوتقروو گروهی باشلیغی کونستنتین سیلایف زلزله منطقه سی اوچون یاردم گه کیلگن لری بیلن تیگیشلی اوله راق "تورکیه نینگ اوکراین – روسیه اوروشیده بیزگه بیرگن همکارلیگی گه منتدارچیلیگیمیزنی کورستیش قولیمیزدن کیلگن فقط منه شو. فقط کیچیک بیر منتدارچیلیک" دیدی.

حریت گزیته سی: ارمنستان بیلن نورماللشوو" سرلوحه سی بیلن خبر بیردی.

خبرگه کوره تشقی ایشلر وزیری مولود چاووش اوغلی ارمنستان تشقی ایشلر وزیری ارارت میرزایان بیلن پایتخت انقره ده اویوشتیرگن مشترک مطبوعاتی کنفرانسده ایککی اولکه اورته سیده گی نورماللشیشی بیلن تیگیشلی مهم بیانات بیردی. چاووش اوغلی "بو بیردملیگیمیزنی دوام ایتتیریشیمیز کیره ک. جنوبی قفقازیاده نورماللشوو جریانی دوام ایتماقده" دیدی.