تورکیه مطبوعاتیدن خلاصه لر 23.01.2023

حریت روزنامه سی, تورکیه جمهوریتی جمهوررئیسی رجب طیب اردوغان نینگ, تورکیه نینگ, کاغذخانه- استانبول هوا قونلغه سی میتروسی بیلن میترو قوریلیش ایش لری بوییچه اوز کوچی و قابلیتی نی کورسه تیب بیرگن لیگی نی معلوم قیلماقده. 

خبرده, قاره دینگیز نی آقدینگیز بیلن ارتباط بیره دیگن کانال استانبول نینگ بیر کون کیلیب قوریله دیگن لیگی نی بیلدیرگن اردوغان نینگ, "تنگه نینگ یوکی آزه یه دی و استانبول نینگ ارزشی آرته دی" دییه قید ایتگن لیگی ایسله تیلماقده. 

صباح روزنامه سی, سویدن ده قرآن کریم گه قرشی قیلینگن حرمتسیزلیک گه تورکیه نینگ قتتیق عکس العمل کورستگن لیگی نی بیلدیرماقده. 

خبرده, سویدن نینگ استانبول ده گی باش قونسلگرلیگی نینگ آلدی گه قاره گل قوییلگن لیگی و تورکیه جمهوریتی دینی ایش لر ریاستی نینگ باشلیغی علی ارباش نینگ دعوتی گه بناً میلیونلب کیشی نینگ 90 مینگ جامع مسجدده قرآن کریم تینگلب دعا قیلگن لیگی گه دقت قره تیلماقده. 

ینی شفق روزنامه سی,  تورکیه جمهوریتی دینی ایش لر ریاستی نینگ باشلیغی علی ارباش نینگ, سویدن ده قرآن کریم گه قرشی قیلینگن حرمتسیزلیک بیلن علاقه لی, "قرآن کریم فقط گینه مسلمان لر گه یوباریلگن بیر کتاب ایمس؛ برچه انسان لر گه یوباریلگن بیر کتاب" دییه قید ایتگن لیگی نی یازماقده. 

خبرده, ارباش نینگ, حتی اوروش ده هم مقدس قبول قیلینگن کتاب لر گه تیگینیلمه یدیگن لیگی نی بیلدیرگن لیگی معلوم قیلینماقده. 

خبرتورک روزنامه سی, تورکیه ده عدالت و رواجله نیش حزبی نینگ سوزچیسی عمر چلیک نینگ, قرآن کریم نینگ سویدن ده سفارت نینگ آلدی ده یاندیریب یوباریلیشی بیلن علاقه لی بیرگن بیاناتیده, "سویدن, بشری بیر جرم دن عبارت بولگن چیرکنچ بیر ایش گه اجازت بیرگن وضعیتده.  بو ایرکین لیک ایمس؛ بشری ارزش لر گه قرشی دشمنانه بیر فعالیت دن عبارت.  سویدن مقام لری بشریت گه قرشی جرم بولگن بیر فعالیت گه اورتاق بولگن وضعیتده" دییه قید ایتگن لیگی نی ایسلتماقده. 

ستار روزنامه سی, تورکیه ده ایشلب چیقاریلگن اوچووچیسیز اوچاق دن عبارت بیرقدار تی بی 2 لرنینگ, دنیا بویلب مشهور Massachusetts تکنالوژی انستیتوتی نینگ مستقل نشرات اورگانی دن عبارت MIT Technology Review مجله سی تامانیدن میلادی 2023- ییل نینگ اینگ مهم تکنالوژی لری آره سیده کورسه تیلگن لیگی نی یازماقده. 

خبرده, مجله نینگ بیرقدار تی بی 2 لرنینگ, امریکا قوشمه ایالتلریده ایشلب چیقاریلیاتگن Reaper کبی اوچووچیسز اوچاق لردن کوپراق ترجیح ایتیلیاتگن لیگی نی بیلدیرگن لیگی معلوم قیلینماقده.