تورکیه مطبوعاتیدن خلاصه لر 18.01.2023

ینی شفق روزنامه سی, تورکیه جمهوریتی جمهوررئیسی رجب طیب اردوغان نینگ, ایران تشقی ایش لر وزیری حسین امیر عبداللهیان نی قبول قیلگن لیگی نی بیلدیرماقده. 

خبرده, اوچره شووده اردوغان نینگ,  طبیعی گاز جریانی نینگ توخته تیلیشی نینگ اداققه ییتیشتیریلیشی بوییچه طلبی نی, ایران جمهوررئیسی ابراهیم رئیسی گه ییتکزیشی نی طلب ایتگن لیگی ایسله تیلماقده. 

وطن روزنامه سی, تورکیه جمهوریتی تشقی ایش لر وزیری مولود چاووش اوغلی نینگ, سویدن پایتخت استکهلم ده ترور تشکیلاتی پ.ک.ک ایزداش لری نینگ تورکیه و جمهوررئیس اردوغان بیلن علاقه لی رسوا حرکت لری گه تیگیشلی سویدن قاره لاوچیلیگی نینگ 'تیرگاو کیره ک ایمس' دیگن سوز لری نینگ جوده هم معنی سیز بیر گپ ایکن لیگی نی بیلدیرگن لیگی نی یازماقده. 

خبرده, چاووش اوغلی نینگ, "سویدن ده نفرت جرمی گه مرتکب بولیش آزاد می یاکه ایمس می؟ بو سئوال گه جواب قیترسین لر" دییه قید ایتگن لیگی بیلدیریلماقده. 

خبرتورک روزنامه سی, سویدن ده استکهلم عالی بیلیم یورتی ده بیر پروفیسر نینگ تورک اوقووچی نینگ ستاژ طلبی نی, 'تورکیه نینگ سویدن نینگ ناتو اعضالیگی گه توسقین لیک قیلیاتگن لیگی' ادعا سی بیلن رد ایتگن لیگی سببلی کیچیریم سوره گن لیگی گه دقت قره تماقده. 

خبرده, استکهلم عالی بیلیم یورتی نینگ اوشبو تورک اوقووچی گه باشقه بیر ستاژ امکانیتی تامین ایتیب بیرگن لیگی ایسله تیلماقده. 

صباح روزنامه سی, لندن ده گی ایکونومیست روزنامه سی, ناتو نینگ تورکیه نی قولدن بیریش قوییش نی خواهله مه یدیگن لیگی نی یازگن لیگی نی معلوم قیلماقده. 

خبرده, جمهوررئیس اردوغان نینگ, روسیه- اوکراین اوروشیده گی واسطه چیلیک رولی گه دقت قره تگن روزنامه نینگ, تورکیه نینگ غله بحرانی نینگ ییچیلیشی و اسیر المه شووی توغریسیده یخشی فعالیت لر یوریتگن لیگی نی بیلدیرگن لیگی معلوم قیلینماقده.