تورکیه نینگ مطبوعات خلاصه لری

یینی شفق گزیته سی:" آقر: سوریه لیکلرنینگ ضدیگه بیر نرسه قیلیشیمیز ممکن ایمس" سرلوحه سی بیلن خبر بیردی.

خبرگه کوره ملی مدافعه وزیری خلوصی آقر، مسکوده ملی مدافعه وزیرلری و استخبارات باشلیغلری اورته سیده بولیب اوتگن جلسه بیلن تیگیشلی "بیزنینگ تورکیه ده و سوریه ده یشه گن سوریه لیک قرداشلریمیزنینگ ضدیگه بیرنرسه قیلیشمیز ممکن ایمس دیر. هیچ بیر پیتده اولرنی قیین وضعیت گه قویه دیگن بیر یانداشوو ایچیده بولمه دیک، بولمه یمیز" دیب ایتدی.

حریت گزیته سی: " عاقبتی سیز اوچون یخشی بولمه یدی" سرلوحه سی بیلن خبر بیردی.

خبرگه کوره، تشقی ایشلر وزیری مولود چاووش اوغلی یونان مطبوعاتیده سوو حدودی نینگ 12 میل گه چیقریله جگی بیلن تیگیشلی چیققن خبرلرگه بناً "12 ایمس 1 میل هم کینگه یشی گه رخصت بیرمه یمیز. مجلسیمیزنینگ بوتوغریده 1995 ییلی آلگن قرار انیق دیر و حلی هم اعتباری باردیر. یونان نی ینه بیر مرته آگاهلنتیره میز. ماجراجویلیک قیلمه، عاقبتی سیز اوچون یخشی بولمه یدی " دیدی.       

ستار گزیته سی:" امریکا قوشمه ایالتلریدن جمهور باشلیغی ایردوغان توغریسیده اعتراف" سرلوحه سی بیلن خبر بیردی.

خبرگه کوره مرکزی امریکا قوشمه ایالتلریده بولمیش فکر اویوشمه سی اتلانتیک کونسیل، جمهور باشلیغی رجب طیب ایردوغان نینگ روسیه – اوکراین اوروشیده گی پولیتیکاسی طفیلی مقته دی. نشر بولگن مقاله ده ایردوغان اوچون "او بولمسه ایدی قیتلیک یوز بیرردی" دیب اعتراف قیلدی.  

صباح گزیته سی: " روس توریستلر ییل باشی اوچون تورکیه گه کیلماقده" سرلوحه سی بیلن خبر بیردی.

خبرگه کوره، روس خبر آژانسی ریئانووستی نینگ خبریده تورکیه نینگ ییل باشیده هم روس توریستلر تامانیدن بیرینچی سیاحت نقطه سی ایتیب تنلنگن لیگی بیلدیریلدی.    

وطن گزیته سی: " دیجتال تورک لیره سی بیلن بیرینچی توولش عملگه آشیریلدی" سرلوحه سی بیلن خبر بیردی.

خبرگه کوره، تورکیه جمهوریتی مرکز بانکی دیجتال تورک لیره سی پروژه سی نینگ بیرینچی فاز فعالیتلری دایره سیده بیرینچی توولش یوتوقلی شکلده بولیب اوتگن لیگی بیلدیریلدی.