تورکیه نینگ مطبوعات خلاصه لری

صباح گزیته سی: " ایردوغان: بیلیم و تکناوجیده تیپه گه چیقه میز" سرلوحه سی بیلن خبر بیردی.

خبرگه کوره جمهور باشلیغی رجب طیب ایردوغان، توبیتاک و توبا ساورینلری مراسمیده قیلگن اوز صحبتیده "تورکیه بیلیم و تکنالوجیده قیته دن تیپه گه چیقیش باسقیچی گه اوته دی. بو جغرافیه بیلیم و تکنالوجی مرکزی بوله دی" دیدی.

یینی شفق گزیته سی:" فینانسیال تایمز: تورکیه نینگ کتته یوتوق قازانیشی ممکن" سرلوحه سی بیلن خبر بیردی.

خبرگه کوره انگلیس فینانسیال تایمزده بیریلگن بیر خبرده تورکیه و جمهور باشلیغی رجب طیب ایردوغان نینگ قولگه کیریتگن فرصتلرنی توغری شکلده فایده لنگن لیگینی معلوم قیلیب "تورکیه، روسیه، اوکراین اوروشی طفیلی حقیقتاً بیر یوتوق قولگه کیریتیشی ممکن. کیلگوسیده روسیه – اوکراین تینچلیک مذاکره لریده هم مهم بیر رول آلیشی ممکن" دییلدی.

وطن گزیته سی: " جمهور باشلیغی ایردوغان نینگ نوبل تینچلیک ساورینی گه نامزدلیگی" سرلوحه سی بیلن خبر بیردی.

خبرگه کوره، تورکیه بویوک ملت مجلسی باشلیغی مصطفی شنتوپ، روسیه – اوکراین اورته سیده گی تینچلیک اورونیشلری طفیلی جمهور باشلیغی ایردوغان نی نوبل تینچلیک ساورینی گه نامزد کورستدیم. مین بیر مراجعه قیلدیم. ایریم اولکه لردن هم مراجعه لر بوله دی" دیدی.       

حریت گزیته سی:" قاره دینگیز گازی مارچ آییده سیستم گه توشه دی" سرلوحه سی بیلن خبر بیردی.

خبرگه کوره انرژی و طبیعی منبعلر وزیری فاتح دونمز، قاره دینگیز گازی نینگ ایلک مرته 2023 ییلی مارچ آیی نینگ سونگگیده سیستم گه بیره جکلرینی بیلدیردی.

ستار گزیته سی: " نیویورک تایمز روانی شیرینلیگی نینگ تعریفینی ترقه تدی" سرلوحه سی بیلن خبر بیردی.

خبرگه کوره، امریکا قوشمه ایالتلری نینگ تنیقلی گزیته لریدن نیویورک تایمز عنعنوی تورک شیرینلیگی بولمیش روانی نینگ تعریفینی ترقه تدی. گزیته "بو تورک قتیقلی کیک چیسکیکدن اینگیلراق و کیسکین بیر تاتی بار" دیب یازدی.