تورکیه نینگ مطبوعات خلاصه لری

حریت گزیته سی: " چاووش اوغلی سویدن نی قاره له دی" سرلوحه سی بیلن خبر بیردی.

خبرگه کوره تشقی ایشلر وزیری مولود چاووش اوغلی، سویدن عالی سودی نینگ فتو قاچاقچیسی بلند کنش نینگ تسلیم بیریش طلبینی رد ایتیشی نینگ سلبی قرار ایکن لیگینی تاکییدلب "بیز سویدن و فینلنددن گوزه ل سوزلر ایمس انیق آدیملر کورماقچی میز" دیب ایتدی.

ستار گزیته سی:" آقردن پیام: هیچ کیمدن رخصت آلمه یمیز" سرلوحه سی بیلن خبر بیردی.

خبرگه کوره ایتالیا گزیته سیگه بیانات بیرگن ملی مدافعه وزیری خلوصی آقر سوریه نینگ شمالیده گی ترور هدفلریگه قره ته احتمالی حربی عملیات بیلن تیگیشلی "ترور تشکیلاتی پی کاکا/وای پی جی تورکیه نینگ تینچلیک خوفسیزلیگینی اماج قرار بیرماقده دیر. اولکه میز و چیگره لریمیزنینگ قوریقلنیشی اوچون بیرلشگن ملتلر تشکیلاتی شرطی نینگ 51 – ماده سی بیرگن مشروع مدافعه حقیمیزدن فایده لنه میز. بونی قیلگونچه هیچ کیمدن رخصت آلمه یمیز" دیدی.

وطن گزیته سی: " وطنی هوا مدافعه تیزیملری اوچون ینگی قرار" سرلوحه سی بیلن خبر بیردی.

خبرگه کوره، جمهور باشلیغی رجب طیب ایردوغان باشچیلیگیده آلیب باریلگن مدافعه صنایعی اجرا کینگشی جلسه سی نینگ آرتیدن بیریلگن بیاناتده تورکیه نینگ هوا مدافعه سیستمی نینگ کوچه یتیریلیشی اوچون؛ سیپر، حصار و سونغور سیستملری نینگ ینگی قطار تولیدی بوییچه قرار قبول قیلیب آلینگن.    

یینی شفق گزیته سی:" بیراقدار ت ب2 ساتیب آلگن اولکه سانی 27 گه ییتدی" سرلوحه سی بیلن خبر بیردی.

خبرگه کوره آلبانیا حکومتی بیلن بیراقدار تکنالوجی اورته سیده بیراقدار ت ب2 درون ساتیشی اوچون کیلیشووگه قول قوییلدی. شونده ی بولیب بیراقدار ت ب2 ساتیب آلگن اولکه سانی 27 گه ییتدی.

خبرتورک گزیته سی: " کوجه یوسف تورکیه گه قیتیب کیلدی" سرلوحه سی بیلن خبر بیردی.

خبرگه کوره، انسانی یاردم ییتکیزیش و تورک وطنداشلرینی تخلیه قیلیش اوچون اوکراین گه بارگن و هوا ساحه سی نینگ یاپیب قوییلیشی طفیلی 10 آیدن بیری بوریسپول قونلغه سیده قالگن ایککی "A400M" کوجه یوسف تورکیه گه قیتیب کیلدی.