تورکیه نینگ مطبوعات خلاصه لری

خبرتورک گزیته سی: " جمهور باشلیغی ایردوغان خاتین – قیزلرگه تورکیه عصری پیامی بیردی" سرلوحه سی بیلن خبر بیردی.

خبرگه کوره جمهور باشلیغی ایردوغان  برچه ساحه لرده خاتین – قیزلرنی هردایم ایجابی قوللب اولرنی آرزولریگه ییتکیزیش اوچون ییترلی درجه ده کمک قیگن لیکلرینی ایتدی. ایردوغان تشبث کار خاتین – قیزلر و خاتین – قیزلر کوپراتیفلریگه قره ته کمک پاکتینی اعلان قیلدی. خاتین – قیزلریمیز اولکه میزنینگ دموکراسی و رواجلنیش یوتوقلریگه بولگندیک سونگگی 20 ییلده بیز عملی قیلگن ینگیلیکلرنینگ برچه سیده محنت قیلگن دیر. تورکیه عصرینی هم سیزلر بیلن ایجاد ایته میز." دیدی.

یینی شفق گزیته سی:" تورکیه نینگ نفوسی 1 میلیون 65 مینگ 911 کیشی کوپه یدی" سرلوحه سی بیلن خبر بیردی.

خبرگه کوره تورکیه نینگ میلادی 2021- ییلی نفوسی تقریباً 85 میلیون گه ییتدی. تورکیه احصائیه اداره سی, میلادی 2021- ییلی نفوسی بیلن علاقه لی معلومات لر نی ترقه تدی. 

اوشبو دایره ده تورکیه نینگ توپلم نفوسی 84 میلیون 680 مینگ 273 نفر گه ییتدی. تورکیه ده ایرکک نفوسی نینگ 42 میلیون 428 مینگ 101 و عیال نفوسی نینگ ایسه 42 میلیون 252 مینگ 172 ایکن لیگی معلوم قیلیندی. آلیب باریلگن تیکشیروولرده ایرکک چقلاقلرگه اینگ کوپ یوسف قیز چقلاقلرگه زینب آت قوییلگن لیگی بیلدیریلدی. 

ستار گزیته سی: " تورکیه نینگ ینگی نفت شهری" سرلوحه سی بیلن خبر بیردی.

خبرگه کوره، تروریزمدن تمیزلنگن شیرناق ولایتی غبار تاغی نینگ ییتکلریده گی نفت ساحه سیده 5 قدوقدن کونده لیک 5 مینگ 300 واریل نفت چیقریلماقده. 12 ته قدوق نینگ فعال بولیشی بیلن کونده لیک ظرفیت 25 مینگ واریل تولیدگه چیقه دی. متخصصلر ذخیره نینگ 150 میلیون واریلی نینگ چیقریلیشی نینگ ممکن ایکن لیگینی ایتماقده.   

صباح گزیته سی:" تورکیه صفر چیقیندی حرکتیده ییتکچی" سرلوحه سی بیلن خبر بیردی.

خبرگه کوره جمهور رئیسلیک علاقه باشقرمه سی باشلیغی فخرالدین آلتون اقلیم اوزگریشی گه قرشی کوره ش توغریسیده تورکیه نینگ خلق ارا ساحه ده آلیب باریلگن برچه اورونیشلرگه اولیملی حصه قوشگن لیگینی ایتدی. آلتون تورکیه نینگ گلوبال چیقیندی حرکتی نینگ ییتکچیسی ایکن لیگینی ایتدی.

حریت گزیته سی: " بورسا استانبول تاریغی ریکوردگه ییتدی" سرلوحه سی بیلن خبر بیردی.

خبرگه کوره، بورسا استانبول 100 (بیست) ایندیکسی تیناون کونی 1،08 فایز یوکسه لیش بیلن باشله دی. ایندیکس آچیلیشده 56،32 نمره کوپه ییب 5 مینگ 270 گه ییتدی. بیست 100 ایندیکسی ریکور اورنه تیب 5 مینگ 362 گه ییتدی.