تورکیه مطبوعاتیدن خلاصه لر 17.11.2022

ستار روزنامه سی, فرانسه جمهوررئیسی امانوئل مکرون نینگ, روسیه بیلن مذاکره بوییچه تورکیه جمهوریتی جمهوررئیسی رجب طیب اردوغان نینگ موثر رول اوینه گن لیگی نی بیلدیرگن لیگی نی معلوم قیلماقده. 

خبرده, مکرون نینگ, استانبولده گی غله کیلیشوو نینگ ینه تطبیق ایتیلیشی بیلن غذایی مواد نرخی نینگ توشگن لیگی نی معلوم قیلگن لیگی ایسله تیلماقده. 

روزنامه, مکرون نینگ, "غله دهلیزی بوییچه کیلیشوو نینگ, جاری هفته ده مطلق صورتده ینگی له نیشی کیره ک" دییه قید ایتگن لیگی نی بیلدیرماقده. 

حریت روزنامه سی, جاری آی نینگ 13- کونیده استانبول نینگ استقلال جاده سیده یوز بیرگن پارتلش گه عکس العمل کورسه تیش اوچون 40 دن آرتیق اولکه نینگ باش قونسل لری, دینی جماعت باشلیق لری, نادولت تشکیلات لرنینگ نماینده لری و عادی خلق نینگ حادثه نینگ یوز بیرگن نقطه گه قدر پیاده یوریگن لیک لری نی یازماقده. 

خبرده, قونسلگرلیک لر و دینی جماعت باشلیق لری نینگ بیرلیکده تروریزم نی قاره لب پیام ترقه تگن لیک لری معلوم قیلینماقده. 

ینی شفق روزنامه سی, سویدن پارلمانی تامانیدن قبول قیلینگن, تروریزم گه قرشی کوره ش نینگ جدی لشتیریلیشی بوییچه اساسی قانون اوزگریشی نینگ تصدیق لنگن لیگی نی یازماقده. 

خبرده, اوشبو اوزگریش بیلن ترور تشکیلاتی پ.ک.ک/وای پی جی اعضاسی ترورچی لری نینگ جزالشتیریلیشی بوییچه پروسه نینگ آسانلشتیریله دیگن لیگی بیلدیریلماقده. 

روزنامه, اساسی قانون اوزگریشی بیلن, ترورچیلیک فعالیت لری گه قوشیلگن گروه لرنینگ تشکیلاتله نیش ایرکین لیگی و مظاهره اجازتی چیکلنتیریلرایکن, اوشبو خصوصده ینگی قانون لرنینگ قبول قیلینیشی نینگ قولایلشتیریله دیگن لیگی گه دقت قره تماقده. 

وطن روزنامه سی, تاغلی قاره باغ, لیبیا و اوکراین ده جدی موفقیت لر کورستگن تورکیه ده ایشلب چیقاریلگن اوچووچیسیز اوچاق لرنینگ دنیا نینگ کون ترتیبی ده اورین ایگلله گن لیگی نی یازماقده. 

خبرده, اینگ سونگ فرانسه لیک لرنینگ تورکیه نینگ بیرقدار تی بی 2  اوچووچیسیز اوچاق لری نی انچه مقته گن لیگی ایسله تیلماقده. 

روزنامه, فرانسه نینگ مشهور رادیو تلویزیونی دن عبارت فرانس انفو نینگ بیرگن خبریده, "اوشبو اوچووچیسیز اوچاق لر, تورکیه نینگ دنیا نینگ کوپلب نقطه سیده واز کیچیله آلمه یدیگن بیر صادراتچی بولیشی نی تامین ایتماقده" دییه قید ایتگن لیگی نی معلوم قیلماقده. 

خبرتورک روزنامه سی, اوکتوبر آییده تورکیه نینگ انتالیا ولایتیده 6 مینگ 323 اوی نینگ ساتیلگن لیگی نی بیلدیرماقده. 

خبرده, اوشبو اوی لرنینگ 33,58 فایزی نینگ (2 مینگ 123 اوی) چیت ایللیک لرگه ساتیلگن لیگی معلوم قیلینماقده. 

روزنامه, چیت ایللیک لر گه اینگ کوپ اوی ساتیلگن تورکیه نینگ باشقه ولایت لری نینگ ایسه مرسین, یالووا و استانبول دن عبارت بولگن لیگی گه دقت قره تماقده.