تورکیه نینگ مطبوعات خلاصه لری

یینی شفق گزیته سی: " تورکیه دن حبوبات انتقالی بوییچه بیانات بیریدی" سرلوحه سی بیلن خبر بیردی.

خبرگه کوره ملی مدافعه وزیرلیگی، روسیه نینگ سیواستوپولده گی هجوملر طفیلی حبوبات تشبثی نینگ وقتینچه لیک توخته تیب قوییلگن لیگینی بیلدیردی. بیریلگن بیاناتده " اوکرایندن کیمه حرکت قیلمه یدی. استانبولده کوتیب تورگن کیمه لرنینگ تیکشیرووی دوام ایتماقده" دییلدی. شونده ی بولیب استانبولده جایلشگن علاقه مرکزیده گی روس پرسونل نینگ وظیفه سیگه دوام ایتیب تورگن لیگی قید ایتیلدی.

ستار گزیته سی:" اینگ خوفسیز یول تورکیه" سرلوحه سی بیلن خبر بیردی.

خبرگه کوره خزینه و مالیه وزیری نورالدین نباتی، تورکیه نینگ جغرافی اورنی گه قره گنده روسیه، ایران و سعودی عربستاندن کیله دیگن انرژی اوچون کوریدور ایکن لیگینی معلوم قیلیب "تورلی طبیعی گاز و نفت ارزانراق و خوفسیز شکلده انتقال بیریله دی" دیب ایتدی.

صباح گزیته سی: " عقلدن اوزگن تورکلر کیله یاپتی" سرلوحه سی بیلن خبر بیردی.

خبرگه کوره، 29 اکتوبر کونی بورساده آچیلیشی بولیب اوتگن تورکیه نینگ ایلک وطنی اتوموبیلی توگ، دنیاده هم کینگ عکس ایتدی. تورکیه نینگ دقت تارتووچی بیر آدیم آتگن لیگینی معلوم قیلگن گزیته لر اینیقسه جمهور باشلیغی رجب طیب ایردوغان نینگ "عقلدن اوزگن تورکلر" سوزلریگه دقت تارتدی.

حریت گزیته سی: "توگ دنیا مطبوعاتیده" سرلوحه سی بیلن خبر بیردی.

خبرگه کوره، توگ دنیا مطبوعاتیده اورین آلدی. بلومبرگ، خبرنی، ایردوغان دستلبکی تورک برقی اتوموبیلینی نمایش گه قویدی" باشلیغی بیلن بیردی. آلمان دوچ ویل نینگ خبریده تورکیه توگ بیلن تاریخ یازماقده" دییلدی. روس خبر آژانسی ریئا نووستی، برقی وطنی اتوموبیل نینگ 30 دقیقه ده چارچ بولیشینی و مصافه سی نینگ 500 کیلومتر ایکن لیگینی یازدی. 

وطن گزیته سی:" توگده تورکیه نینگ رنکلری" سرلوحه سی بیلن خبر بیردی.

خبرگه کوره وطنی اتوموبیل توگ نینگ رنگلری انیقلندی. توگدن بولگن نشرده گملیک نینگ زیتون یاغاچلری نینگ سایه سیده گی کوک سوولری، اناطولی توپراقلریده گی صمیمیت نی عکس ایتتیرگن قیزیل نی، اولتو تاشی نینگ کوز آلووچی قاره لیگینی، ساغلم لیگی، قلعه دنینگ طبیعی بناسی، وادیلری بیلن ییر کره سی نینگ میلیونلب ییللیک اوتمیشینی بوگونگی کونده انتقال بیرگن کول رنگینی، کپه دوکیانینگ فوق العاده طبیعی گوزه للیکده گی پری باجه لری نینگ توپراق و قوم رنگی، پاموک قلعه تیپه لری نینگ آقلیگینی C-SUV نینگ رنکلریگه بیزه دیک.